web counter
LEXO PA REKLAMA!

SHKARKO APP

App Store
Google Play

Skenarë të rinj në protestën kundër Veliajt/ Çfarë pritet të ndodhë të martën

2 Qershor 2024, 13:34, Aktualitet CNA

Ditën e martë, më 4 qershor pritet një protestë tjetër kundër kryebashkiakut të Tiranës, Erion Veliaj e thirrur nga Aleanca për Mbrojtjen e Teatrit. 

Përveç Shoqërisë Civile pritet të ketë edhe pjesëmarrje nga forcat opozitare. 

CNA ka mësuar se në protestën e së martës do të ketë skenarë të rinj, me mesazhe të qarta dhe të forta në lidhje hajdutëritë e ndodhura në bashkinë e kryeqytetit, nën drejtimin e Erion Veliajt. 

Protesta e radhës do të jetë e dhjeta në numër, ku jo vetëm artistët, aktivistët apo politikanët, por edhe qytetarët e Tiranës do t'i kërkojnë llogari kryebashkiakut për aferat korruptive si ajo e inceneratorëve dhe "5D". 

Në protestat e kaluara qytetarët e revoltuar kanë kërkuar që Veliaj të largohet menjëherë nga drejtimi i bashkisë dhe të përballet me SPAK për të gjitha shkeljet që ka kryer.

Ndërkohë që bashkëpunëtorët e tij, pra një disa drejtorë janë pas hekurave. 

CNA ka raportuar pak javë më parë që edhe kreu i Bashkisë së Tiranës është nën hetim nga SPAK. Një hetim pasuror po kryhet edhe për familjarët e tij, si bashkëshortja Ajola Xoxa dhe vëllai Arbër Veliaj. 

Veliaj është shfaqur shumë i tensionuar dhe ka shmangur çdo përballje jo vetëm me aktivistët, por edhe anëtarët e Këshillit Bashkiak. 

Në mbledhjen e fundit të Këshillit Bashkiak Veliaj i quajti rrugaçë, këshilltarët opozitarët, pasi këta të fundit i kërkuar sqarime për aferat korruptive. 

Ndërkohë edhe kryeministri Edi Rama mesa duket la lëshuar Veliaj. Në daljet për mediat, kreu i qeverisë, është shprehur se çdo zyrtar duhet të përballet vetë me drejtësinë dhe nuk bën avokatinë e askujt./CNA 

 





Lajmet e fundit nga