web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për Olsi Ramën/ Kryeministri: Ku janë provat?

2 Qershor 2024, 22:20, Aktualitet CNA
Akuzat për Olsi Ramën/ Kryeministri: Ku janë provat?
Olsi Rama

Akuzat ndaj Olsi Ramës kanë qenë një nga temat që kryeministri Edi Rama ka diskutuar me gazetarin e “Rai3” gjatë intervistës për median italiane.

Rama tha se çështjen e vëllait të tij e ka lënë në duart e drejtësisë, ndërsa tha se nuk ka prova për akuzat e ngritura.

Sipas tij, akuzat ndaj Olsi Ramës janë ngritur vetëm për shkak të lidhjes së tyre familjare.

Pjesë nga intervista:

Rai3: Ne kemi përmendur edhe vëllain tuaj, Olsi Rama…

Rama: Që është një tjetër ndërhyrje e neveritshme në jetën e dikujt që nuk ka asnjë lidhje, në jetën e dikujt që akuzohet vetëm se është im vëlla, sepse fakti nuk ekziston. Po ashtu, ai ka ngritur edhe padi dhe tani shpresoj që edhe kjo gjë do të sqarohet nga Prokuroria e Posaçme. Po, e kuptoni? Ju jeni shërbimi publik italian, nuk jeni një kanal shqiptar që bën si të dojë, sepse, në fund të fundit, të flasësh për të tilla gjëra të thuash që, i vëllai, aaa është akuzuar… I akuzuar nga kush, i akuzuar për çfarë? Pastaj, ku janë provat? Pastaj, këto “prova”, janë tani, shpresoj nën hetim.

Rai3: Di që është rihapur hetimi pas emisionit.

Rama: Janë nën hetim, pasi ai ka paraqitur padi për shpifje, kështu që këtu i duhet lënë në dorë drejtësisë. Por t’i marrësh gjëra të tilla e të formosh një mozaik me copëza që janë të gjitha gjysmë të vërteta. Janë të gjitha gjysmë të vërteta dhe për këtë arsye gjysmë të vërtetat janë gënjeshtrat më të mëdha, mashtrimet më të mëdha./ CNA





Lajmet e fundit nga