web counter
LEXO PA REKLAMA!

SHKARKO APP

App Store
Google Play

E fundit!

x

"Rai3" zbulon kompaninë e lobimit të ministrit italian, konsulenti që braktisi Becchettin për Ramën

3 Qershor 2024, 19:43, Aktualitet CNA
"Rai3" zbulon kompaninë e lobimit të ministrit italian,
Adolfo Urso dhe Edi Rama

Reportazhi i “Report” të medias italiane “Rai3” zbulonte kompaninë e lobimit që ish-kryeministri italian, Massimo D’Alema kishte hapur në Shqipëri.

Megjithatë, D’Alema nuk është i vetmi politikan italian që ka zgjedhur Shqipërinë për të ngritur biznes. Edhe ministri i Biznesit, Adolfo Urso ka krijuar një kompani konsulence në Shqipëri, së bashku djalin e tij Pietro.

Adolfo Urso, i cili ka qenë pronari i “Italian World Services” deri 10 ditë para se të emërohej ministër, ka zhvilluar shërbime konsulence për Francesco Becchettin, pronarin e kanalit televiziv, “Agon Channel”, që u mbyll nga qeveria shqiptare.

“Në vitin 2015, siç kishte zbuluar në atë kohë ‘Report’, ministri aktual në fakt po kryente konsulencë për llogari të kompanive të Francesco Becchetti, nipi sipërmarrësit dhe menaxherit të landfillit Manlio Cerroni, ish-pronar i televizionit shqiptar Agon Channel.

Sot Becchetti heq dorë nga miqësia e së shkuarës: Ministri Urso e ka braktisur duke zgjedhur krahun e kryeministrit Rama në luftën gjyqësore ku qeveria shqiptare i detyrohet Becchettit 120 milionë euro”, thekson “Report”.

“Rai3” ka kontaktuar edhe me Becchettin dhe Urson në lidhje me këtë kompani.

Gazetari: Adolfo Urso ka qënë konsulenti juaj?

Becchetti: Po, ka qenë konsulenti për ndërkombëtarizimin të grupit tim të biznesit.

"Rai3" zbulon kompaninë e lobimit të ministrit italian,
Francesco Becchetti

Pas asaj që i ndodhi, Francesco Becchetti shprehet se ka humbur jo vetëm mbështetjen profesionale, por edhe miqësinë e Adolfo Urso që në atë periudhë duket se ka vendosur një raport kordial dhe miqësor me kryeministrin shqiptar.

Gazetari: Ju përcjell të falat e Francesco Becchettit. Thotë se e keni braktisur për të qëndruar në krah të më të fortit që është Edi Rama

Urso: Unë jam gjithmonë nga ana e Italisë.

Deri 3 ditë para betimin si ministër, Adolfo Urso ishte pronari i Italian World Services, kaluar më pas tërësisht të birit Pietro, shoqëri aktive në sektorin e konsulencës institucionale dhe të lobimit, i cili, sipas asaj qe rrëfen i interesuari direkt, në momentin kur kishte më shumë nevojë e ka braktisur Becchetin.

Becchetti: Unë i kam bërë vetes disa pyetje dhe i kam dhënë përgjigje

Gazetari: Çfarë përgjigjesh?

Becchetti: Nëse vlerësoni interesat që kanë luajtur, bizneset që janë shoqëruar te Rama...

Shoqërimi i bizneseve italiane mbi të gjitha jashtë vendit është misioni kryesor i Italian World Services e familjes Urso. Ky biznes operon në vende të ndryshme dhe nga 2015 edhe në Ballkan dhe në Shqipëri.

"Rai3" zbulon kompaninë e lobimit të ministrit italian,
Adolfo Urso

Gazetari: Italian Ëord Services, shoqëria e lobimit, ka klientë në Shqipëri?

Urso: Unë nuk bëj pjesë në këtë shoqëri, pyesni djalin tim.

Gazetari telefonon Pietro Urson, djalin e ministrit: Jam Giorgio Mottola, babai juaj më tha t’ju kontaktoj ju dhe doja t’ju pyes nëse kompania juaj ka klientë në Shqipëri?

Urso: Do të flas me avokatin tim më përpara.

Nga ana tjetër, kryeministri Edi Rama ka mohuar të kenë diskutuar për biznes,.

Gazetari: Edhe një tjetër subjekt politik që ka interesa këtu në Shqipëri, është Adolfo Urso.

Rama: Kurrë nuk ka ardhur për të folur me mua për interesa. Ka ardhur kur kishte vendosur të largohej nga politika.

Gazetari: Në atë kohë mbronte interesat e Becchetit.

Rama: Nuk e di. Di që ka miq këtu, por me mua...

Gazetari: I biri Pietro Urso ka një shoqëri që quhet Asigest në fushën e ndërmjetësimit të sigurimeve.

Rama: Nuk e njoh./ CNA





Lajmet e fundit nga