E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kompania lobuese e Massimo D’Alema-s në Shqipëri që Rama e mohoi

3 Qershor 2024, 17:45, Aktualitet CNA

Kompania lobuese e Massimo D’Alema-s në Shqipëri që Rama e

Fotomontazh

Në emisionin “Report” të “Rai3” u publikua pjesa e dytë e reportazhit për Shqipërinë, ku përmendej edhe ish-kryeministri Italian, Massimo D’Alema.

Sipas investigimit, D’Alema ka krijuar një kompani lobuese në Shqipëri, të quajtur “A&I”.

“Marrëdhënia e ngushtë e D’Alemës me Shqipërinë daton që nga kohërat e luftës së Kosovës, kur ai mbështeste bombardimet e NATO-s kundër Serbisë. Ndër vite ai ka intensifikuar udhëtimet drejt Tiranës dhe marrëdhëniet me qeverinë e Edi Ramës.

Këto marrëdhënie kanë bërë që ai të bëhet biznesmen jo vetëm në shtëpi.

‘Report’ ka zbuluar se përveç DL&M Advisor në Itali, i hapur në vitin 2019, D'Alema ka shtrirë interesat e tij në botën e konsulencës edhe në Shqipëri: në fakt, ai ka krijuar një kompani të quajtur A&I në Tiranë, e cila ofron konsulencë për kompanitë që duan të ndërkombëtarizohen’, thekson ndër të tjera media fqinje.

Kompania lobuese e Massimo D’Alema-s në Shqipëri që Rama e

Lidhur me këtë çështje foli mbrëmjen djeshme edhe kryeministri Edi Rama për “Rai3”, ku mohoi të ketë dijeni për kompaninë e D'Alema-s.

Pjesë nga intervista:

Rai3: Dëgjoni, ju keni një raport të shkëlqyer me Xhorxha Melonin. Keni pasur marrëdhënie të shkëlqyera me të gjithë kryeministrat, veçanërisht me Massimo D’Alema-n.

Rama: Po.

Rai3: Massimo D’Alema, është një këshillues i juaji, ju e keni emëruar këshilltar.

Rama: Jo, nuk e kam emëruar këshilltar, sepse nuk do ia lejoja vetes ta emëroja këshilltar. Ai është një mentor.

Rai3: Ah, është mentor.

Rama: Po. Është njëri prej shtetarëve më të mëdhenj, sipas meje, pas Luftës së Ftohtë dhe është një prej mendjeve më të bukura që kam takuar në jetë. Të gëzosh miqësinë e tij, është, për mua, një medalje e madhe nderi.

Rai3: Edhe D’Alema ka ardhur në Shqipëri për të bërë tregti.

Rama: Çfarë tregtie? Çfarë ka bërë.

Rai3: Ka ngritur një shoqëri lobimi.

Kompania lobuese e Massimo D’Alema-s në Shqipëri që Rama e

Rama: Po ç’tregti?!

Rai3: A&I

Rama: E pabesueshme! Kurrë nuk kam folur për tregti me Massimo D’Aleman. Kam folur gjithnjë për politikën, kam folur gjithnjë për Shqipërinë, kam folur gjithnjë për… Pastaj, ai është i lirë të bëjë çfarë të dojë. Epo t’i paraqesësh gjithmonë këto gjëra kështu!

Rai3: Po ka themeluar një shoqëri lobimi. D’Alema ka një shoqëri lobimi në Itali dhe ka themeluar edhe këtu një. A&I quhet.

Rama: A&I

Rai3: A&I quhet.

Rama: Unë di që ai punon për Ernst & Young në Itali.

Rai3: Ka një shoqëri lobimi edhe në Itali.

Rama: Dhe nuk është shoqëri lobimi.

Rai3: Jo, ai ka një shoqëri lobimi të tijën në Itali.

Rama: Nuk jam në dijeni të ndonjë shoqërie lobimi, por do t’ju kërkoja ta lini jashtë Massimo D’Alema-n nga ky not në baltë që po bëjmë së bashku.

Rai3: Nuk është not në baltë, sepse një ish-ortak i tiji, Consulcesi.

Rama: Kush është?

Rai3: Consulcesi, që ka hapur një shoqëri trajnimesh.

Rama: Ish-ortak i kujt?

Rai3: I D’Alema-s

Rama: Po, unë nuk e di…

Massimo D'Alema

Rai3: Massimo Tortorella. Ju keni marrë pjesë në vitin 2019 bashkë me D’Alema-n në përurimin e kësaj shoqërie, të këtij filiali në Tiranë, i cili, edhe në Itali, ka treqind-katërqind punonjës.

Rama: E pastaj?

Rai3: Në atë rast, Ministrja e Shëndetësisë shpalli të detyrueshëm formimin profesional për mjekët, në mënyrë që të ushtrojnë profesionin.

Rama: E pabesueshme! E pabesueshme!

Rai3: Pse?

Rama: E pabesueshme! Ne duam, kemi dashur të shfrytëzojmë një ekselencë italiane, për të kryer një proces aftësimi, të themi, të rritjes së aftësive në sektorin tonë shëndetësor dhe kjo kthehet në një problem?

Rai3: Jo, nuk është problem. Është thjesht një rrethanë që më bën kureshtar, që ish-ortaku i Massimo D’Alema-s hap një shoqëri këtu dhe kjo shoqëri, në momentin që hapet, ka një vendim që e favorizon njëfarësoj, edhe në raport me subjekte të tjera….

Rama: Po pastaj çfarë ndodhi?

Rai3: Nuk e di, për këtë po ju pyes.

Rama: Më vjen keq, po nuk ndodhi asgjë. Më vjen keq, duhej të ndodhte, po ja që nuk ndodhi./ CNA