web counter
LEXO PA REKLAMA!

SHKARKO APP

App Store
Google Play

E fundit!

x

CNA e paralajmëroi/ Vihen në pranga efektivët në Rinas

4 Qershor 2024, 09:43, Aktualitet CNA

Të dielën, CNA ishte një ndër të vetmet media, që raportoi se në aeroportin e Rinasit po zhvillohej një operacion për aktivitet kriminal të uniformave blu në bashkëpunim. 

Prokuroria e Tiranës dërgoi që të dielën urdhër-arrestet në Gjykatë, ku kërkonte arrestimin e disa efektivëve të policisë.(lexo këtu)

Lajmi u raportua vetëm nga CNA për një aksion të Agjencisë së Mbikëqyrjes Policore në bashkëpunim me Policinë e Shtetit. 

Ndërkohë mëngjesin e së martës, Agjencia e Mbikëqyrjes Policore dhe Prokuroria e Tiranës kanë dalë me një njoftim zyrtar në lidhje me këtë aksion në Rinas. 

Të martën janë ekzekutuar vendimet e gjykatës, për 8 punonjës policie dhe 1 shtetas, të cilët janë lënë në qeli. Ndërsa 8 punonjës të tjerë policie po hetohen në gjendje të lirë. Efektivët në Komisariatin e Rinasit akuzohen për shpërdorim detyre dhe korrupsion. 

Arrest me burg gjykata ka vendosur për:

1. Inspektor B. T., 39 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Korrupsion pasiv i personave që ushtrojnë funksione publike” dhe “Shpërdorim detyre”;

2. E.S., 29 vjeç, i dyshuar për veprën penale “Korrupsion aktiv i personave që ushtrojnë funksione publike”;

Me masën e sigurimit personal “Arrest në shtëpi”:

3. Inspektor S. XH, 32 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Shpërdorim detyre”;

4. Inspektor E. M., 33 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Shpërdorim detyre”;

5. Inspektor A. D., 30 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Shpërdorim detyre”.

Me masën e sigurimit personal “Pezullim i ushtrimit të një detyre a shërbimi publik”:

6. Inspektor Y. P., 27 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Shpërdorim detyre”;

7. Inspektor R. SH., 26 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Shpërdorim detyre”.

8. Inspektor E. A., 33 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Shpërdorim detyre”;

9. Inspektor A. H., 30 vjeç, me detyrë Ndihmës Specialist/Kontrollor në Seksionin e Kufirit, në Komisariatin e Policisë Kufitare Aeroporti Rinas, në DVP Tiranë, i dyshuar për veprën penale “Shpërdorim detyre”.

Ky operacion erdhi pas hetimeve disamujore të zhvilluara nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, duke aplikuar edhe metoda speciale të hetimit, nëpërmjet të cilave u siguruan prova dhe fakte për implikimin e shtetave të sipërcituar në veprimtari kriminale.

Nga hetimet rezultoi se shtetasi me iniciale E.S., pronar i një agjencie turistike, mbante kontakte të vazhdueshme me kontrollorët e policisë kufitare në aeroportin e Rinasit, të cilëve u dërgonte të dhëna dhe dokumente udhëtimi të personave që nuk u lejohej udhëtimi drejt vendeve të BE-së, konkretisht, persona që ishin kthyer në kategorinë Deportiv e Inad dhe u ndalohej hyrja në vendet e BE-së, të mitur të papajisur me prokurën e prindërve, apo persona me masa sigurimi personal.

Punonjësit e policisë, rast pas rasti, në varësi të problematikave dhe kundrejt shumave monetare që varionin në vlera të ndryshme, lejonin kalimin e tyre sipas destinacioneve./CNA 





Lajmet e fundit nga