web counter
LEXO PA REKLAMA!

SHKARKO APP

App Store
Google Play

Pastrimi i policisë/ Balla: AMP të bashkëpunojë me SPAK-un

4 Qershor 2024, 09:20, Aktualitet CNA
Pastrimi i policisë/ Balla: AMP të bashkëpunojë me SPAK-un
Ministri i Brendshëm, Taulant Balla

Ministri i Brendshëm, Taulant Balla, ka reaguar pas aksionit të AMP-së në Komisariatin e Policisë në Rinas, ku u arrestuan 9 persona, ndër ta 8 efektivë policie, ndërsa 8 punonjës të tjerë po hetohen në gjendje të lirë.

Balla ka kërkuar nga AMP të forcojë bashkëpunimin institucional me SPAK-un, për të garantuar standarde të larta të integritetit dhe pastërtisë së figurës së punonjësve të policisë.

“Rritja e besimit të publikut te Policia e Shtetit lidhet në mënyrë të pandashme me procesin e vetëpastrimit, përmes të cilit po largojmë ditë pas dite nga trupa e shëndoshë e policisë elementët e dëmshëm, të inkriminuar apo shkelës së etikës, të cilët njollosin punën e palodhur të mijëra e mijëra uniformave blu që shërbejnë me vendosmëri të palëkundur shtetit të së drejtës dhe në mbrojtje të qytetarëve të këtij vendi.

Përgëzime Agjencisë së Mbikëqyrjes Policore për rezultatet e dukshme dhe premtuese për një intensifikim edhe më të madh të këtij procesi vetëpastrimi.

E nxis AMP të forcojë bashkëpunimin institucional me SPAK, prokuroritë e jurisdiksionit të përgjithshëm, si dhe me agjencitë e tjera të zbatimit të ligjit dhe inteligjencës dhe partnerët tanë ndërkombëtarë, për të garantuar standarde të larta të integritetit dhe pastërtisë së figurës së punonjësve të policisë", shkruan Balla./ CNA





Lajmet e fundit nga