web counter
LEXO PA REKLAMA!

SHKARKO APP

App Store
Google Play

E fundit!

x

Kalaja, e revoltuar: Policia të mos dhunojë protestuesit

4 Qershor 2024, 13:13, Aktualitet CNA
Kalaja, e revoltuar: Policia të mos dhunojë protestuesit
Protesta para Bashkisë Tiranë

Në protestën e sotme që u zhvillua para Bashkisë së Tiranës, aktivistja dhe avokatja Adriana Kalaja i bëri thirrje Policisë së Shtetit që të mos provokonte protestuesit, të cilët hodhën tymuese për të shpërndarë turmën.

Në fjalën e saj ajo përmendi edhe kreun e SPAK-ut, Altin Dumani, ku tha se duke i zënë derën atij, do të arrestojë Veliajn dhe do të lirojë Sali Berishën. 

Fjala e plotë:

Sot një bandit i veshur fatkeqësisht me uniformën e policisë goditi protestuesit paqesorë. Unë, në fakt, e dini që i kam me shumë pasion ato kallëzimet. Sot zotohem që ai bastard do të shkojë për ndjekje penale. I bëj thirrje Rrumbullakut, Vocajt, sepse unë atë banditin me emrin Taulant Balla nuk e njoh. I bëj thirrje edhe shefit të komisariatit nr. 1, urgjent largoni policinë që dëboi protestuesit! Urgjent! Mos provokoni protestuesit! AMP-ja të fillojë menjëherë procedim disiplinor për këtë bandit, që provokon me të padrejtë!

Ju banditë duhet ta dini që ne nuk kemi asnjë lloj problemi as me gazin tuaj lotsjellës që e importoni nga Serbia e vëllait Vuçiç, as nga tymi, as nga flakët, as nga dhuna juaj!

Çfarë kujtoni ju, se do të na drejtoni gazin lotsjellës dhe do të na trembni?! Këta janë ata njerëz që nuk u trembën, që nuk tërhiqen para asgjëje.

Ndaj sot ne nuk duhet të presim as nga gazetari i 'RAI'-t, të cilin e falënderojmë pa fund; nuk duhet të presim as nga ndërkombëtarët dhe as nga Altin “dushmani”.

Sot Tirana dhe Shqipëria janë në duart tona.

Sot, vetëm ne e shpëtojmë edhe Tiranën, edhe Shqipërinë. Vetëm ne e detyrojmë Altin Dumanin duke i zënë derën atje që të arrestojë këtë bandit dhe të lirojë Sali Berishën! Vetëm kjo është nisja e fitores! Vetëm ne e detyrojmë parlamentin të kthehet në rrugën e ligjit!"/CNA 





Lajmet e fundit nga