web counter
LEXO PA REKLAMA!

SHKARKO APP

App Store
Google Play

E fundit!

x

Muçollari: Flaka para Bashkisë së Tiranës, gardiani më i mirë i qytetit

4 Qershor 2024, 20:19, Politikë CNA
Muçollari: Flaka para Bashkisë së Tiranës, gardiani
Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari, ka reaguar për protestën e zhvilluar ditën e sotme para Bashkisë së Tiranës.

Muçollari thotë se flakadanët dhe djegia e gomave para Bashkisë treguan zemërimin e qytetarëve ndaj kryebashkiakut Erion Veliaj dhe vjedhjeve të drejtorëve.

Ai thekson se zjarri i gomave nuk cënoi askënd, pasi protestuesit dhe organizatorët e tyre u kujdesën për policinë.

Anëtari i Kryesisë së PD-së deklaron se njerëzit e Veliajt po mundohen të nxisin inat në publik, por nënvizon se zjarri në protestë është sot gardiani më i mirë i qytetit, i interesit publik dhe i taksapaguesve.

Muçollari: Flaka para Bashkisë së Tiranës, gardiani

“Flaka që mbron qytetin

Protestat e Opozitës, të Aleancës për Mbrojtjen e Teatrit dhe aktivistëve përpara Bashkisë, pas zbulimit të disa aferave të rënda korruptive të Veliajt dhe bashkëpunëtorëve të tij të ngushtë, janë shoqëruar me disa simbolika.

Një nga ato ka qënë hedhja e disa flakadanëve, apo djegia e gomave. Zemërimi i njerëzve kur kryetari i Bashkisë kapet duke vjedhur dhe nuk mban asnjë përgjegjësi, nuk largohet e nuk kërkon falje, madje më keq sulmon e shfaqet arrogant, nuk ka se si të shprehet me lule e me përqafime.

Duhet theksuar se këto lloj simbolikash janë drejtuar gjithnjë nga dyert e Bashkisë e muret e saj, dhe asnjëherë nuk kanë sjellë dëme në njerëz. Madje protestuesit dhe organizatorët janë kujdesur gjithnjë për policët e urdhëruar të mbrojnë Veliajn, deri dhe në asistencë mjekësore kur dikush nga ata nuk është ndjerë mirë.

Më paqësore e më civile se kaq një protestë nuk ka si të jetë.

Flakadanët dhe zjarri i gomave përndryshe nga sa tentojnë t’i fryjnë mbështetësit e Veliajt në publik, në të vërtetë janë shkëndijat që mbrojnë Bashkinë.

E mbrojnë Bashkinë pasi vendosin një standard të ri në qytet. Kushdo tjetër që do të shkelë në atë zyrë, duhet ta dijë mirë se po vodhi qytetarët, po vodhi taksat e tyre, po shkeli në besimin e njerëzve, po e ktheu detyrën në post përfitimi, e pret ai reagim.

Në këtë kuptim zjarri në protestë është sot gardiani më i mirë i qytetit, i interesit publik dhe i taksapaguesve”, shkruan Muçollari./ CNA





Lajmet e fundit nga