web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Si Rama doli bllof me intervistën te “Rai3”

4 Qershor 2024, 21:47, Politikë CNA

Drejtuesi i PD-së për Tiranën, Belind Këlliçi foli mbrëmjen e sotme për investigimin e “Rai3” dhe intervistën e kryeministrit Edi Rama në këtë media italiane.

Këlliçi tha në një intervistë me Armela Ferkon se Rama doli bllof me intervistën e tij, pasi nuk e llogariti impaktin që ajo do të sillte.

Ai theksoi se kreu i qeverisë pati përballë një gazetari të vërtetë, pasi nuk mund t’i intimidonte dot gazetarët italianë.

“Po mbyllet viti i 11 i pushtetit të tij dhe po hynë viti i 12. Ai me arrogancën që e karakterizon, me agresivitetin që e karakterizon nuk kërkon më as edhe një zë kundra. Kjo nuk është çështje që ai ka ndonjë urrejtje ndaj opozitës apo ndaj faktorëve të caktuar. Rama urren këdo që e bezdis në mendjen e tij në këto projekte madhore që ka për ta shndërruar Shqipërinë në kartelin më të mirëperfeksionuar të ballkanit dhe të Europës, dhe për të vijuar biznesin e tij.

Qasja dhe qëndrimi që ka mbajtur sot Edi Rama vjen për shkak se nuk e ka llogaritur impaktin që ka patur emisioni i Rai3 dhe intervista e tij sepse ka dalë bllof. Ka patur përpara gazetarë që nuk i jep leje ndërtimi, që nuk i intimidon dot, ka patur përpara gazetarë që nuk i ka të afërmit e tyre në punë, që nuk i bën dot dëm nesër qoftë në familje, qoftë në biznes apo qoftë ke pronari i medias që e ushqen me leje ndërtimi apo kontrata dhe koncensione. Ka patur gazetari të vërtetë përballë”, deklaroi drejtuesi i PD-së për Tiranën./ CNA





Lajmet e fundit nga