web counter
LEXO PA REKLAMA!

SHKARKO APP

App Store
Google Play

E fundit!

x

Lul Basha, reformatori i madh me propozime boshe

5 Qershor 2024, 17:40, Politikë CNA

Lulzim Basha, kreu i PD-së së vulës prej disa kohësh na vjen në publik me një qasje prej reformatori.

Por ajo që duhet theksuar është se Basha kërkon ndryshim me propozime të vjetra, të përsëritura dhe të dështuara.

Sot ai mbajti një tryezë me disa ekspertë të tijët, ku shpalosi programin ekonomik për zgjedhjet e 2025-ës.

Duke përdorur fjalë teknike, Basha nuk tha asgjë me vlerë për qytetarët, por vetëm disa broçkulla të përsëritura prej vitesh.

“Pjesë themelore e ofertës sonë janë parime mbi të cilat ndërtohet kjo ofertë për ekonominë, që janë ato të sipërmarrjes së lirë dhe të iniciativës private, të luftës kundër korrupsionit, të rregullave të thjeshta dhe të thjeshtuara për biznesin e lirë, të hapjes dhe integrimit me tregjet rajonale dhe globale, të një qeverisje të vogël, të pakushtueshme për taksapaguesit shqiptarë por efiçente, të kthimit dhe të mbrojtjes së pronës. Për këtë, programi i hartuar me ekspertët më të mirë të vendit dhe me mbështetje nga ekspertë elitarë euroatlantikë, rekomandon një përqasje nga lart poshtë, e cila thekson vullnetin politik si çelësin e zbatueshmërisë së reformave”, theksoi ai.

Pra, me fraza tërësisht boshe, Luli nuk kuptohet se çfarë kërkon të thotë.

Një tjetër premtim mediokër i Bashës pas bonusit 20 mijë euro për lindjen e fëmijës së tretë ishte edhe ai i pagës mesatare 2000 euro në muaj për profesionistët e teknologjisë dhe informacionit.

“Axhenda jonë sociale mund të mbështet vetëm mes vitalizimit, psh të turizmit shqiptar dhe nxitjes së një zinxhir vlerash siç është teknologjia dhe informacioni. Synojmë aftësimin e 25 mijë të rinjve shqiptare, për të mundësuar një shtresë profesionistësh të teknologjisë dhe informacionit me të ardhura mesatare 2000 euro në muaj. Është dhe synim politik që synon stabilitet social-ekonomik”, nënvizoi ai./ CNA





Lajmet e fundit nga