web counter
LEXO PA REKLAMA!

SHKARKO APP

App Store
Google Play

E fundit!

x

Rama, mesazh për gratë në politikë/ “Bëni më shumë për gratë në përgjithësi”

4 Qershor 2024, 22:30, Politikë CNA

Kryeministri Edi Rama mori pjesë këtë të martë në ceremoninë e fillimit të Konferencës së Rrjetit Parlamentar “Gra të lira nga dhuna”.

Rama deklaroi se Shqipëria ka bërë hapa të mëdhenj për fuqizimin e grave, ndërsa një kërkesë e pati për gratë në politikë, që të bëjnë më shumë për gratë në përgjithësi.

“Ne kemi bërë hapa të mëdhenj duke fuqizuar gratë, duke filluar nga politika, dhe sot ne renditemi mes vendeve kryesore sa i përket pjesëmarrjes së grave në qeveri. Ne nuk renditemi ndoshta në krye, por jemi të radhitur shumë mirë sa i përket pjesëmarrjes së grave në parlament. Gjithashtu jemi në renditje në nivele të larta për pjesëmarrje të grave në administratë dhe në pozicione drejtuese dhe kjo është gjë shumë e mirë.

Dëgjova Sekretaren e Përgjithshme, e cila tha se jemi nga të parët që kemi miratuar legjislacionin dhe nga kjo dëshiroj të kthehem pas në atë çfarë unë besoj që duhet të përmirësohet, sepse së pari, nuk është mjaftueshëm të miratosh një ligj, por është implementimi i këtij legjislacioni, zbatimi i tij. Së dyti, dëshiroj të them, që po, ne i kemi fuqizuar gratë shumë në pjesën politike, por gratë në politikë kanë nevojë të bëjnë shumë për gratë në përgjithësi dhe kjo mundësi, për të qenë i promovuar, për të qenë i fuqizuar, duhet të përdoret jo vetëm për të bërë punët e përcaktuara në pozicione ministri apo anëtare parlamenti”, u shpreh kreu i qeverisë.

Rama tha në fjalën e tij se shpreson që vitin tjetër të mikpres në Shqipëri Samitin e Komitetit Politik dhe brenda vitit 2030 të kemi dhe një Samit të NATO-s./ CNA





Lajmet e fundit nga