web counter
LEXO PA REKLAMA!

SHKARKO APP

App Store
Google Play

Do kandidojë për deputete në 2025-ën?/ Si përgjigjet Argita Malltezi

5 Qershor 2024, 22:56, Politikë CNA
Do kandidojë për deputete në 2025-ën?/ Si përgjigjet
Vajza e ish-kryeministrit Sali Berisha, Argita Malltezi

Vajza e ish-kryeministrit Sali Berisha, Argita Malltezi është pyetur mbrëmjen e sotme nëse do të jetë në listën e deputetëve në zgjedhjet e ardhshme parlamentare.

Malltezi tha në “Quo Vadis” se nuk ka planifikuar të kandidojë për deputete.

Ajo theksoi se ka refuzuar të angazhohet si deputete, pasi nuk planifikon të merret me politikën aktive në rresht të parë.

“Nuk e kam planifikuar të jem në listat e deputetëve. Nuk e jap dot këtë përgjigje. Të merresh me politikë është term i përgjithshëm. A kam në plan të merrem me politikën aktive në rresht të parë, jo. Me jetën aktive në politikë e kam pasur gjithmonë. Unë nuk kam konfuzion. Nuk kisha planifikuar që do futesha në politikë. Më është ofruar dhe e kam refuzuar. Unë nëse futem në politikë, nuk hyj të udhëheq një protestë”, u shpreh ajo.

Argita Malltezi theksoi se angazhimin në politikë ka diskutuar edhe me babain e saj, ish-kryeministrin Berisha.

“Kam diskutuar edhe me babain tim, por nuk e kam prioritet të hyj në rresht të parë të aktivizimit politik”, nënvizoi Malltezi./ CNA





Lajmet e fundit nga