web counter
LEXO PA REKLAMA!

SHKARKO APP

App Store
Google Play

Komisioni i korrupsionit politik të Xhafajt

6 Qershor 2024, 20:43, Politikë CNA
Komisioni i korrupsionit politik të Xhafajt
Fatmir Xhafaj

Që prej muajit janar, CNA ka denoncuar çdo lëvizje të mazhorancës për të ngritur një komision anti-SPAK, që më pas u quajt Komision i Posaçëm parlamentar dhe që ka si synin të thërrasë në apel institucionet e shtetit.

CNA raportoi se komisioni do të drejtohej nga deputeti i PS-së, Fatmir Xhafaj, apo siç njihet ndryshe enveristi i fundit dhe 99-çi i parë.

Dhe ashtu siç paralajmëruam ndodhi. Sot parlamenti votoi projektvendimin “Për përbërjen e Komisionit të Posaçëm të Kuvendit “Për Thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Europian”.

Në krye të komisionit u vendos Xhafaj me 73 vota të mazhorancës. Pra, komisioni që synon reforma për mirëqeverisjen dhe sundimin e ligjit do të drejtohet nga enveristi Fatmir Xhafaj, vëllai i një banditi të dënuar në Itali.

Duhet kujtuar se njëri nga vëllezërit e Xhafajt është dënuar me 7 vite e 2 muaj burg në Itali për trafikim droge, ndërsa vëllai tjetër është përfolur për afera të ndryshme.

Xhafajt, këtij personi që do të drejtojë komisionin dhe do të thërrasë në apel institucionet e shtetit, gjoja për të luftuar korrupsionin, duhet t’i hetohet pasuria.

Komisioni i korrupsionit politik të Xhafajt
Enver Hoxha dhe Fatmir Xhafaj

Po t’i hetojnë pasurinë nuk i dihet se si i del korrupsioni, enveristit. Ndaj do të ishte më mirë që para se të kërkojë të “luftojë” korrupsionin, Xhafaj të luante me “letra të hapura” dhe të shihte veten në pasqyrë, ku do të rikujtonte të shkuarën e njohur të një ministri të dorëhequr në një llum skandali familjar.

Gjithë kjo propagandë e ky komision do përfundojnë me një mandat deputeti për Fatmir Xhafajn nga fundi i listës si në vitin 2021, por këtë herë nuk do e ndihmojnë dot as Veliaj dhe as drejtorët hajdute të bashkisë Tiranë./ CNA





Lajmet e fundit nga