web counter
LEXO PA REKLAMA!

SHKARKO APP

App Store
Google Play

E fundit!

x

Berisha i numëron akuzat Ramës/ “Kanabizoi vendin me Koço Kokëdhimën

7 Qershor 2024, 20:30, Politikë CNA
Berisha i numëron akuzat Ramës/ “Kanabizoi vendin me Koço
Ish-kryeministri Sali Berisha

Ish-kryeministri Sali Berisha ka hedhur akuza ndaj kryeministrit Edi Rama për kanabizimin e vendit gjatë fjalës së tij në protestën e përnatshme të mbështetësve të tij, në rrugën “Mustafa Matohiti”.

Berisha tha se Rama dhe politikani Koço Kokëdhima kanabizuan Shqipërinë në vitin 2016.

Ai ngriti edhe pretendimet të tjera, duke theksuar se në Vlorë dhe në Dhërmi u përdorën vilat qeveritare si qendra të grumbullimit dhe nisjes së skafeve me drogë në det.

“Por unë sonte ftoj çdo socialist që ka dyshimin më të vogël dhe çdo qytetar që mendon se i kam rënë në qafë me akuza politike Edi Ramës, të shtrojmë së bashku disa pyetje, përgjigjuni vetë në logjikën tuaj, në dëshirën tuaj.
A nuk u kanabizua nga jugu nga veri vendi nga Edi Rama dhe qeveria e tij? Nuk besoj se sot ka shqiptar që mund ta mohojë këtë, nuk e mohon as Edi Rama.
A ju kujtohen ju shqiptarë fjalimet apoteike për kanabisin nga ish-kryeministri i jugut, njeriu më i afërt i Edi Ramës, Koço Kokëdhima dhe vetë Edi Rama?
A ka njeri që mund t’i mohojë këto? A janë të vërteta?
Së treti, a nuk u mbrojtën nga policia plantacionet e kanabisit në mbarë vendin, ndërkohë që ligji e konsideronte mbjelljen e kanabisit krim dhe dënonte jo vetëm mbjellësin, transportuesin, por po kaq edhe qeveritarin vendor që nuk e denonconte?
A nuk u shndërrua policia e shtetit në narkopolici, e cila krahas rrogës së shtetit, merrte tarifën për çdo bimë helmi që rritej në mbrojtjen e tij?
A nuk janë të vërteta këto apo nuk janë të vërteta?
A nuk fluturuan në të katër anët e vendit aeroplanët e transportit të drogës, përfshi edhe aeroportet shtetërore të Rinasit dhe Gjadrit?
A nuk u përdorën vilat qeveritare si qendra të ngarkimit të drogës dhe nisjes së skafeve në det?
Për ju që thoni studiove që ushtria nuk u përfshi në drogë, pse mor dilni dhe mashtroni shqiptarët? Keni përgjegjësi apo jo?
A nuk u fikën ditë, javë dhe muaj të tëra me komandë radarët e rojes bregdetare nga ndrikull-radari për të hapur detin për trafikantët?
A nuk janë këto implikime të ushtrisë?
A nuk u gjetën disa muaj më parë plantacionet të tëra kanabisi në repartin e Zall Herrit? Kush i kishte ato, barinjtë i kishin apo narko-oficerët? Apo ishin të ministrit?

Të vazhdoj më tutje se me këto pyetje besoj se çdo shqiptar do gjejë të vërtetën brenda vetes së tij”, theksoi kreu i PD-së./ CNA





Lajmet e fundit nga