web counter
LEXO PA REKLAMA!

SHKARKO APP

App Store
Google Play

E fundit!

x

Rama, kritika ndaj BE-së/ “E ardhmja e Kosovës s’varet nga pëlqimet e Serbisë”

10 Qershor 2024, 13:28, Politikë CNA
Rama, kritika ndaj BE-së/ “E ardhmja e Kosovës s’varet nga
Kryeministri Edi Rama, foto e marrë nga PS

Kryeministri Edi Rama ka kritikuar Bashkimin Evropian gjatë fjalës së tij në konferencën për 25-vjetorin e shpalljes së Pavarësisë së Kosovës.

Rama tha se e ardhmja e Kosovës nuk duhet të varet nga pëlqimet e Serbisë. Ai deklaroi se takimet me ndërmjetësimin e ndërkombëtarëve mes Kosovës dhe Serbisë nuk sjellin zgjidhje.

Kreu i qeverisë deklaroi se Serbia mund të mos e njohë asnjëherë Kosovën, por theksoi se kjo nuk duhet të pengojë rrugën e njohjes së kësaj të fundit.

“Sot jemi në një proces ku thellohet edhe më shumë qasja e politikës së jashtme, si politikë e brendshme. Kjo mund të ketë sukses elektoral, por kjo e lë Kosovën me gjithnjë e më pak miq. Nëse Kosova do të dilte nga kjo lojë ‘macja me miun’ me Serbinë, ne jemi këtu për të folur me BE-në, për të përmbushur detyrimet që kemi ne, si Republikë e Kosovës, në kontekstin e standardeve të BE-së dhe për t’u afruar me ju. Pastaj se ça bën Serbia, shkoni dhe merruni me të. Këto mbledhjet për t’u mbyllur për orë të tëra, nuk çojnë asgjëkundi. Se di se ça lidhje ka e ardhmja e Kosovës që kërkon të hyjë në BE dhe NATO, me atë se çfarë si pëlqen apo jo Serbisë. Serbia mund të mos i qaset kurrë idesë se s’do ta njohë kurrë Kosovën. Por kjo nuk duhet të pengojë Kosovën që të vijojë rrugën e saj drejt njohjes. Kjo do ta nxirrte Kosovën nga kurthi ku e ka futur Serbia. Ne jemi një popull i vogël, kemi dy shtete të vogla. Nuk jemi kërthiza e botës. Sa herë e kemi besuar këtë, e kemi pësuar shumë. Kosova është shumë e bukur, i ka të gjitha mundësitë dhe nuk ka pse të humbë kohë duke vrapuar rreth vetes së vet”, nënvizoi Rama./ CNA





Lajmet e fundit nga