web counter
LEXO PA REKLAMA!

SHKARKO APP

App Store
Google Play

E fundit!

x

Agron Duka: Opozita po denoncon por kjo nuk mjafton për të marrë pushtetin

10 Qershor 2024, 20:30, Politikë CNA
Agron Duka: Opozita po denoncon por kjo nuk mjafton për të marrë
Agron Duka kreu i PAA-së

Kryetari i PAA-së, Agron Duka është shprehur se nuk është e mjaftueshme për opozitën vetëm denoncimi i aferave korruptive, për të marrë pushtetin.

Gjatë një interviste, Duka ka deklaruar se, opozita ka barrën e vet që nuk arrin të frymëzojë qytetarët e pakënaqur që duan të ikin nga vendi i tyre, dhe nuk zgjedhin të punojnë për ta ndryshuar realitetin këtu.

Sipas kreu të PAA-së, opozita duhet të dalë para qytetarëve me një frymë të re, me njerëz që ngjallin besim dhe frymëzim tek publiku.

Pjesë nga intervista

-Çfarë ka tjetër? Jeni ju dakord me shprehjen. “Qeverinë s’e duam, por as tek opozita s’kemi besim”?

Kjo do të ishte trishuese që një popull të mos dojë, apo të mos besojë as qeverinë as opozitën, se atëherë do të kishin të bënim me një krizë të thellë morale, jo thjeshtë ekonomike.

Por unë mendoj se edhe opozita ka barrën e vet në këtë realitet, pra që nuk arrin të frymëzojë qytetarët e pakënaqur që duan të ikin nga vendi i tyre, dhe nuk zgjedhin të punojnë për ta ndryshuar realitetin këtu. Opozita po bën denoncimet e aferave korruptive dhe po e bën mirë. Por kjo nuk mjafton për të marrë pushtetin.

Kjo mjafton për ta dobësuar kundërshtarin. Neve na duhet të prodhojmë një alternativë qeverisëse të besueshme. Opozita duhet të nxjerrë në vijën e parë njerëz që ngjallin besim dhe frymëzim tek publiku. Duhet të dalin njerëz që të mos i kapë kush prej xhakete e t’i thotë “ti ke vjedhur paratë e taksave të mia”.

Nëse nuk nxjerrim një ekip njerëzish të besuar, të ndershëm dhe të pashantazhueshëm, rrotacioni do të jetë i vështirë. Nuk është e lehtë. Ne nuk kemi përballë një parti, por një shtet të tërë që është vënë në shërbim të partisë. Por duhet të fitojmë besimin e njerëzve. S’ka rrugë trjetër./ CNA





Lajmet e fundit nga