web counter
LEXO PA REKLAMA!

SHKARKO APP

App Store
Google Play

E fundit!

x

Gogu "përplaset" me Salianjin/ "Mos bëj Lizën në botën e çudirave"

11 Qershor 2024, 12:53, Politikë CNA
Gogu "përplaset" me Salianjin/ "Mos bëj Lizën
Ervin Salianji dhe Toni Gogu, burimi i fotos LSA

Komisioni Hetimor për të dhënat e sistemit TIMS, i njohur ndryshe si Komisioni “Babale”, është shoqëruar me debate.

Në këtë mbledhje do të merret në pyetje Ardit Muço, ish-Përgjegjësi i Sektorit IT në Policinë e Shtetit, i cili ka kërkuar dëshmi me dyer të mbyllura.

“Mbrojtja e të drejtave të mia për respektimin e jetës private, për garantimin e sigurisë sime fizike, si dhe për shkak të informacioneve të klasifikuara”, është shprehur ai.

Por deputeti “Babale”, Ervin Salianji, që drejton këtë komision kundërshtoi kërkesën e Muços.

“Duhet ta marrim në konsideratë, edhe pse unë mendoj se të gjitha dëshmitë duhet të jenë me dyer të hapura. Sepse nuk ka ndonjë sekret shtetëror. Pretendimi është që nuk ka dalë asnjëherë në publik”, ka deklaruar Salianji.

Ai “është përplasur” me deputetin e PS-së, Toni Gogu, në lidhje me zhvillimin ose jo me dyer të hapura. Ky i fundit tha se “Babalja” po bën "show" televiziv.

“Detyrën e 'show'-t televiziv nuk na e ka ngarkuar njeri! Në emër të zbatimit të ligjit, po shkelet ligji. Duhet të zbatojmë sekretin hetimor. Gojëkyçur! E doni shtetin në televizor”, ka theksuar Gogu.

Ai e ka cilësuar Salianjin si Lizën në botën e çudirave.

“Të mos bëjmë 'Lizën në botën e çudirave'. Meraku im është si të zbatohet ligji!”, ka nënvizuar deputeti i PS-së./ CNA





Lajmet e fundit nga