web counter
LEXO PA REKLAMA!

SHKARKO APP

App Store
Google Play

E fundit!

x

Celibashi, ultimatum partive politike/ “Çoni përpara Reformën Zgjedhore”

11 Qershor 2024, 12:30, Politikë CNA
Celibashi, ultimatum partive politike/ “Çoni përpara
Kreu i KQZ-së, Ilirjan Celibashi. Foto e marrë nga LSA

Kreu i KQZ-së, Ilirjan Celibashi, u ka dhënë këtë të martë ultimatum partive politike, gjatë raportimit të tij në Komisionin për Çështjet Ligjore.

Celibashi tha se komisioni për Reformën Zgjedhore duhet të vijojë punën, ose në të kundërt duhet të ngrihet një komision tjetër i përkohshëm.

Ai theksoi se partitë duhet të punojnë për të bërë vërtetë një Reformë Zgjedhore të vërtetë.

“Pas 2025 do të ketë zgjedhje, pse jo të diskutojmë për të gjitha çështjet e problematikat. Edhe nëse nuk kanë efekt në 2025. Efektet le t’i prodhojë pas zgjedhjeve të 2025, dhe zgjedhjeve të radhës. E kuptoj që shkakton ilaritet, por nuk është pa sens dhe shumë e arsyetuar. Do të ishte e udhës që kjo strukturë, apo një strukturë tjetë 'Ad-Hoc' të krijohet për të punuar për të bërë vërtetë një Reformë Zgjedhore të vërtetë.

Referendumi duhet të ketë rregullim të përshtatshëm ligjor, gjë që sot nuk ekziston. Po kështu dhe çështje të tjera që lidhen me administrin e zgjedhjeve për Kuvendin apo të qeverisjes vendore. Nëse të gjithë diskutimin për çfarë duhet të ndryshojmë në lidhje me si bëhen zgjedhjet në Shqipëri nuk e bëjmë të lidhur me zgjedhjet e radhës mendoj që mund të kemi një produkt të mirë sa i takon aspektit rregullator të këtyre zgjedhjeve”, nënvizoi kreu i KQZ-së./ CNA





Lajmet e fundit nga