web counter
LEXO PA REKLAMA!

SHKARKO APP

App Store
Google Play

E fundit!

x

“I mbytur” në skandalet e drejtorëve/ Veliaj bën propagandë me teatrin, sulmon Aleancën

11 Qershor 2024, 12:16, Politikë CNA

Kryebashkiaku i Tiranës, Erion Veliaj, është “zhytur” në skandalet e drejtorëve të tij, disa prej të cilëve janë arrestuar, e të tjerë po hetohen nga SPAK-u dhe pritet të vihen në pranga.

Pikërisht për skandalet e drejtorëve hajdutë që kanë vjedhur paratë e qytetarëve shqiptare me dosjen “5D” dhe aferën e inceneratorëve, qytetarët kërkojnë dorëheqjen e Veliajt me protesta të njëpasnjëshme.

Megjithatë, pa u skuqur e pa u sikletosur, Veliaj vijon dita-ditës propagandën e tij dhe sulmet ndaj protestuesve apo ndaj Aleancës për Mbrojtjen e Teatrit, e cila është edhe organizatorja e protestave.

Të njëjtën gjë ka bërë edhe ditën e sotme kryebashkiaku i Tiranës, i cili propagandoi me ndërtimin e Teatrit të Ri duke inspektuar punimet në kantier.

Veliaj ironizoi Aleancën për Mbrojtjen e Teatrit, teksa e quajti Aleanca për Mbrojtjen e Saliut.

“E di që kemi një cirk konstant nga një grup klounësh, që vazhdon të djegë goma nën suazën e Aleancës për Mbrojtjen e Teatrit, kur në fakt të gjithë e dinë se ajo është Aleanca për Mbrojtjen e Saliut. Rrugaçëria, djegia e gomave, goditja ndaj forcave të policisë, dëmtimi i një objekti që është monument kulture si selia e Bashkisë së Tiranës, që nuk është prona ime, të gjitha këto nuk kanë lidhje me teatrin. Ky është një cirk i shëmtuar, është bërë shumë bajat dhe banal. Fakti që Tirana i ka braktisur totalisht, do të thotë se Tirana mezi po pret teatrin e ri. Ky është teatri i Tiranës, ky është teatri i qytetarit, ky është teatri që do të jetë me kondicioner në verë dhe do jetë me ngrohje në dimër; ky do të jetë teatri ku çdo aktor, flas për aktorët e mirëfilltë, jo aktorët e Saliut, do të ketë dhomën e tij personale me të gjitha kushtet.

Detyra juaj nuk është të shqetësoheni për djegien e gomave, por të shqetësoheni për inxhinierinë, për pjesën teknike, për ndërtimin dhe betonimin, si dhe për të gjitha utilitetet, si ujë, drita, fibrat optike dhe energjia elektrike. Detyra jonë, siç e kërkon edhe ndarja e punëve, është të dëgjojmë edhe për ca kohë atë teatër absurd. Por, mënyra më e mirë për t’i dhënë një përgjigje djegies së gomave dhe banalitetit grotesk që krijohet me këtë ritualin për lirimin e Saliut, është ndërtimi i kësaj vepre”, theksoi Veliaj./ CNA





Lajmet e fundit nga