web counter
LEXO PA REKLAMA!

SHKARKO APP

App Store
Google Play

E fundit!

x

Noka, ftesë demokratëve për bashkim/ Refuzon Bashën

11 Qershor 2024, 13:35, Politikë CNA
Noka, ftesë demokratëve për bashkim/ Refuzon Bashën
Sekretari i Përgjithshëm i PD-së, Flamur Noka. Burimi LSA

Sekretari i Përgjithshëm i PD-së, Flamur Noka, ka folur pas vendimit të Gjykatës së Apelit që vula t’i kalojë PD-së së ish-kryeministrit Sali Berisha.

Noka tha për mediat se sot është një ditë e mirë për të gjithë demokratët dhe një ditë e keqe për qeverinë e Edi Ramës.

Ai u bëri thirrje demokratëve që të bashkohen me PD-në, ndërsa refuzoi që kjo ftesë të vlente për Lulzim Bashën.

“Sot është një ditë e mirë për të gjithë demokratët. Zëri i tyre megjithëse në oazin e padrejtësisë u gjetën gjyqtarë me integritet që i dhanë zë të vërtetës, e cila po zvarritej prej tri vitesh. E vërteta është që demokratët janë ata që vendosin me vullnetin e tyre çdo gjë që ka të bëjë me Partinë Demokratike. Komenti ynë është shumë i thjeshtë, demokratët janë të bashkuar, vendimi i gëzon ata.

Por sot është një ditë e keqe për regjimin sepse demokratët e bashkuar nga sot do kenë vetëm një mision, çrrënjosjen e këtij narkoregjimi dhe kthimin e shpresës te shqiptarët. Një opozitë e përçarë ka marrë fund. Një opozitë e zvarritur ka marrë fund.

Sot Shqipëria ka një PD të vërtetë. Sot Shqipëria ka një opozitë të bashkuar. Një opozitë e bashkuar që do t'i japë zë... Thirrja është për çdo demokrat, shtëpia juaj ka qenë dhe është PD. Kjo thirrje vlen për çdo demokrat, por jo për ata që e ndiejnë veten në krah të Edi Ramës. Çdokush që e ndien veten demokrat dhe në opozitë me këtë regjim, është i mirëpritur.

...Ky është një vendim i formës së prerë që e kanalizon plotësisht këtë çështje. Kjo ditë nuk është për të festuar, as për triumf. Është një ditë e së vërtetës ku demokratëve u bëhet thirrje të jenë të gjithë bashkë kundër narkoregjimit. Narkoregjimi duhet shembur që Shqipëria të udhëtojë në Evropë. Narkoregjimi është pengesa e vetme e udhëtimit evropian të Shqipërisë.

Dhe na bie barra t’i prijmë kësaj beteje. Unë në emër të të gjithë kolegëve i bëj thirrje çdo demokrati të gënjyer, të mashtruar dhe të keqinformuar, kthehuni në shtëpinë tuaj se shtëpia juaj ka vend për çdo qytetar të këtij vendi që është kundër narkoregjimit. I bëjmë thirrje çdokujt që është kundërshtar i regjimit, nuk i bëjmë thirrje kurrë atij që është shërbëtor i këtij narkoregjimi... Në këtë oaz padrejtësish në këtë vend, ka edhe ndonjë ishull që akoma integriteti i udhëheq. Këto zonja treguan se integriteti prevalon mbi urdhrat politikë”, theksoi Noka./ CNA





Lajmet e fundit nga