web counter
LEXO PA REKLAMA!

SHKARKO APP

App Store
Google Play

E fundit!

x

Berisha merr vulën e PD-së/ Gjykata e Apelit rrëzon Bashën

11 Qershor 2024, 13:22, Politikë CNA
Berisha merr vulën e PD-së/ Gjykata e Apelit rrëzon Bashën
Sali Berisha dhe Lulzim Basha, burimi LSA

Gjykata e Apelit ka dhënë vendimin për çështjen e vulës së Partisë Demokratike.

Mësohet se vula i është dhënë PD-së së drejtuar nga ish-kryeministri Sali Berisha.

Kështu, Gjykata e Apelit ka lënë në fuqi vendimin e gjyqtarit Agron Zhukri.

Ky vendim vjen pas afro 3 vitesh përplasje në kampin opozitar. Kujtojmë se gjithçka nisi me shpalljen "non grata" nga SHBA të Berishës. Pasi Lulzim Basha e përjashtoi nga PD më 9 nëntor 2021, lideri historik i demokratëve bëri lëvizjen e tij. Më 11 dhjetor 2021, në 31-vjetorin e themelimit të partisë, ai thirri Kuvendin e PD-së. Ditë në të cilën u krijua Komisioni i Rithemelimit. Basha iu përgjigj me një tjetër Kuvend, 7 ditë më vonë.

Nga Lezha, mbështetësit e tij kërkuan jo vetëm largimin e Lulzim Bashës, por edhe ndryshime statutore. Mes të cilave, rikthimi i referendumit për zgjedhjen e Kryeministrit.

Situata kulminoi me protestën e 8 janarit 2022, kur selia blu u kthye në “arenë konflikti” mes demokratësh.

Më vonë, në mars të 2022-shit gjyqtari Agron Zhukri e cilësoi legjitim vendimin e Kuvendit të Berishës për heqjen e Bashës si kryetar i forcës më të madhe opozitare në vend. U miratuan nga Gjykata e Tiranës, ndryshimet e bëra në statut.

Në 6 qershor të vitit të shkuar u hap gara për kreun e ri të demokratëve dhe çështja përfundoi sërish në Gjykatë.

Vlen të theksohet se Berisha ndodhet në “arrest në shtëpi” që prej 30 dhjetorit 2023. Edhe pse i izoluar në banesë, prej 6 muajsh ai ka qenë aktiv në politikë. Kryedemokrati synon fitoren në zgjedhjet e ardhshme parlamentare./ CNA





Lajmet e fundit nga