web counter
LEXO PA REKLAMA!

SHKARKO APP

App Store
Google Play

Si ranë drejtorët hajdutë të Erion Veliajt

9 Qershor 2024, 18:00, Editorial CNA
Si ranë drejtorët hajdutë të Erion Veliajt
Kryebashkiaku i Tiranës, Erion Veliaj. Foto: LSA

Pas hetimeve të SPAK-ut, u arrestuan 3 drejtorë të Bashkisë së Tiranës. Në prangat e policisë ranë Mariglen Qato, ish-drejtor i Shërbimeve Mbështetëse pranë UKT-së Tiranë dhe Redi Molla, ish-drejtori i Ujësjellës Kanalizimeve Tiranë.

Ndërkohë një tjetër urdhër arresti u lëshua ndaj Taulant Tushës, i cili ndodhej më herët prapa hekurave pas hetimeve për inceneratorin e Tiranës.

Të tjera masa u dhanë për drejtorë të tjerë të Bashkisë Tiranë, Eglantina Zeren, ish-drejtoreshë e "Tirana Parking", sot drejtoreshë e Gjelbërimit në Tiranë. Ndaj saj është vendosur edhe një tjetër masë, "Pezullimi i ushtrimit të një detyre a shërbimi publik”.

Masat "detyrim paraqitje" janë dhënë për Enton Punavijën, Drejtor aktual i Trafikut dhe Transportit në kryeqytet, Debora Keçin, Drejtoreshë e "Klubit të Sportit Tirana", Julian Zanaj, funksionar pranë Prokurimeve Publike, Albano Jankun, inxhinier pranë kompanisë dhe për biznesmenin Nestor Muhamellari.

Por këto nuk janë arrestimet e para që janë kryer në Bashkinë e Tiranës pas hetimeve të SPAK-ut.

Si ranë drejtorët hajdutë të Erion Veliajt
Bashkia e Tiranës, foto e marrë nga Google

Më fillim të muajit dhjetor, SPAK-u lëshoi 15 urdhër-arreste pas hetimeve për inceneratorin e Tiranës. Në prangat e policisë ranë Erjon Murataj, Bledar Karoli, Përgjegjës i Sektorit të Prokurimeve në Ministrinë e Mjedisit, Taulant Tusha, Namik Simixhiu dhe Jetmir Llapaj.

Masat "arrest shtëpie" u dhanë për Alba Thomën, Drejtoreshë e Drejtorisë Juridike të Ministrisë së Mjedisit, Valbona Ballgjinin, Sidita Koplikun, Pëllumb Abeshin, Etleva Kondin dhe Sidita Tolën.

Çfarë ndodh pas shpërthimit të skandalit?

Si ranë drejtorët hajdutë të Erion Veliajt
Kryebashkiaku i Tiranës, Erion Veliaj. Foto: LSA

Erion Veliaj në mënyrë të paturpshme tenton të mohojë duke thënë se bëhet fjalë për ish-drejtorë, më pas pendohet dhe thotë për një apo dy drejtorë. (Lexo këtu)

Në fakt nuk janë as një, as dy, por janë 9 drejtorë të cilët janë arrestuar dhe të tjerë janë nën hetim.

Më tej, Veliaj mori në mbrojtje drejtorët e tij hajdutë, për të cilët shprehej se kishin bërë punë të mira. (Lexo këtu)

Si ranë drejtorët hajdutë të Erion Veliajt
Fotomontazh - Erion Veliaj dhe drejtorët e arrestuar

Ai e ka quajtur Bashkinë e Tiranës, një organizatë të disiplinuar, një organizatë të mençur, por në fakt hetimet e SPAK-ut kanë treguar që aty kemi të bëjmë me një “strofull hajdutësh” që nuk ngopen duke vjedhur paratë e shqiptarëve të varfër.

Pra një organizatë kriminale që përdor skema nga më të ndryshmet për të vjedhur qytetarët e kryeqytetit.

Tashmë Erion Veliaj i ka lëshuar drejtorët e tij hajdutë.

Veliaj, me "lak në fyt"

Pasi u thirr në SPAK për të dhënë llogari për përfshirjen në aferën e inceneratorit të Tiranës, Erion Veliaj nuk e rreh më gjoksin para drejtorëve të tij duke thënë se e ka nën kontroll SPAK-un dhe është i paprekshëm.

Tani kemi një tjetër fytyrë të Veliajt përballë. Kemi kryebashkiakun që po kërkon të shpëtojë kokën e tij dhe po merr në qafë bashkëpunëtorët e ngushtë.

Erion Veliaj, që thoshte se drejtorët e tij nuk preken, një e nga një po shkojnë të gjithë në burg dhe të tjerë priten të arrestohen dhe kryebashkiaku nuk ka guximin të marrë përgjegjësitë.

Tashmë i është ngushtuar "laku në fyt", pasi SPAK-u ka nisur hetim pasuror për të dhe familjarët e tij. (Lexo këtu)

Si ranë drejtorët hajdutë të Erion Veliajt
Kryebashkiaku i Tiranës, Erion Veliaj, në derën e SPAK-ut

Tani tenton të mbulojë korrupsionin dhe dështimin e tij në Bashkinë e Tiranës.

Del duke shpërndarë tesera partia, duke u angazhuar me fushatë elektorale, por në fakt dhe kjo i ka dalë huq pasi në mbledhje nuk i shkojnë më shumë se 20 vetë.

Erion Veliaj është i dështuar dhe jeta e tij politike duket se po prek fundin.

Sado të përpiqet me mbledhjet e tij të dështuara me 20 veta nuk do të mund ta fshijë dot njollën e vjedhjve të drejtorëve të tij hajdutë dhe korrupsionin që ka kapur institucionin që ai e drejton prej tri mandatesh./ CNA





12:05 Editorial

Thjesht Erioni!

Nuk duhet të lodhesh shumë nga ana gazetareske për të bërë...

Lajmet e fundit nga