web counter
LEXO PA REKLAMA!

SHKARKO APP

App Store
Google Play

E fundit!

x

Hallin e Metës nuk e zgjidh dot Altin Dumani!

13 Qershor 2024, 18:42, Editorial Elvi FUNDO
Hallin e Metës nuk e zgjidh dot Altin Dumani!
Kreu i PL-së, Ilir Meta , burimi i fotos: LSA

Ish-presidenti, ish-kryeministri, kreu i Partisë së Lirisë, ish-LSI, Ilir Meta, njeriu që ka pasur dhjetëra deputetë, i paguar në këto më shumë se 30 vite gjithmonë nga taksat e shqiptarëve, sot u shfaq në dyert e SPAK me “çmendurinë” e tij.

Kur doli pas 3 orësh ishte dhe më i “çmendur” se më parë. Thuajse njësoj si Erion Veliaj veçse ai e mbajti veten, Ilir Meta nuk e mbajti dot.

E gjithë historia ka të bëjë me hetimet që po kryen SPAK-u, hetime të cilat në rast se Ilir Meta nuk ka shkelur ligjin, në rast se Ilir Meta nuk ka abuzuar, ai nuk ka pse të shqetësohet aspak sepse kur nuk shkel ligjin, nuk dënohesh.

Por kur shkel ligjin ndodh që edhe çmendesh, por kur nuk ka shkelur ligjin pse e sulmojnë Altin Dumanin?

Hallin e Metës nuk e zgjidh dot Altin Dumani!
Ilir Meta del nga SPAK, burimi i fotos: LSA

Nëse ka shkelur ligjin a e shpëton dot Altin Dumani, Ilir Metën?

Duket e pavend e gjithë kjo retorikë e Ilir Metës i cili ka shkuar deri aty sa të ndahet dhe nga gruaja për së gjalli duke ia lënë asaj përgjegjësinë me idenë se mund ta zgjidhë në rast se Mona bën burgun si viktimë e një partie që ai ia kish lënë me mirëbesim dhe ajo kish abuzuar. Kjo është dhe më absurde dhe banale.

Në fakt Ilir Meta më shumë se sa ta akuzosh sot kur ka hall është një njeri i shumëakuzuar nga vetë Berisha, është njeriu që ngriti në sistem blerjen e votës dhe vjedhjen e saj, njeriu që masakroi shqipatrët në vitin 2001 kur vodhi dhjetëra e dhjetëra mandate deputetësh për t’u ribërë kryeministër, është njeriu që ka luajtur fort në politikë por dhe që ka abuzuar nga postet politike. Ministrat e tij hajdutë janë më skandalozët.

Ai është kapur në një aferë në një video për të cilën thonë se nuk ekziston por shqiptarët e kanë parë me zë dhe figurë që bënte pazare me qindra mijëra euro.

Këto halle, këto skandale, këto afera nuk ia zgjidh dot Ilir Metës as burgu i Monës, as Altin Dumani.

Në rast se nuk ka shkelur ligjin ai duhet të jetë i qetë, të qeshë dhe duhet ta mbështesin të gjithë në ndershmërinë e tij dhe në rast se ka shkelur ligjin dhe është hajdut as Monika Kryemadhi në shtëpi ose jashtë saj dhe as Altin Dumani nuk i bëjnë dot derman Ilir Metës./ CNA

 





16:11 Editorial Elvi FUNDO

Vula nuk mjafton!

Gjykata e Apelit më në fund vendosi drejtësi. I dha vu...

12:05 Editorial

Thjesht Erioni!

Nuk duhet të lodhesh shumë nga ana gazetareske për të bërë...

Lajmet e fundit nga