web counter
LEXO PA REKLAMA!

SHKARKO APP

App Store
Google Play

E fundit!

x

Enveristi i fundit ngelet i vetmuar/ Opozita braktis komisionin, ndërkombëtarët në alarm

14 Qershor 2024, 12:44, Politikë CNA
Enveristi i fundit ngelet i vetmuar/ Opozita braktis komisionin,
Fatmir Xhafaj, burimi LSA

Fatmir Xhafaj duket se ka ngelur i vetëm në tentativën e tij për të krijuar një komision, të kamufluar me reformën institucionale drejt integrimit, për të thirrur në Apel institucionet e pavarura dhe kryesisht SPAK-un.

Fatmir Xhafaj sot ka ngelur i vetmuar. Enveristi i fundit ka ngelur i fundit në betejën e tij dhe Erion Veliajt kundër SPAK-ut. (Lexo këtu)

Enveristi i fundit ngelet i vetmuar/ Opozita braktis komisionin,
Enver Hoxha dhe Fatmir Xhafaj, foto e marrë nga Google

Ka ngelur i vetëm, ndryshe nga sa kërkuan ndërkombëtarët që ky komision të kishte edhe bashkëpunimin e opozitës. Por mesa duket paqartësia publike dhe mosdhënia e një mesazhi të saktë se cila do të jetë puna e plotë e këtij komisioni, cila është rruga që do të ndjekin, kë do të thërrasë dhe çfarë llogarie do të kërkojë, kanë bërë që opozita ta braktisë, gjithashtu të vendosen në alarm edhe ndërkombëtarët. (Lexo këtu)

Fatmir Xhafaj duhet të dalë në një konferencë për shtyp dhe t'u tregojë shqiptarëve, por edhe opozitës e ndërkombëtarëve, cili është qëllimi i këtij komisioni, përtej pallavrave politike, të tregojë agjendën e tij të qartë, cilat janë institucionet që do të thirren dhe për çfarë do të raportojnë konkretisht.

A po synon Fatmir Xhafaj të bëjë një reformë të dytë në drejtësi, duke goditur SPAK-un dhe strukturat e reja të drejtësisë? (Lexo këtu)

Këtë Fatmir Xhafaj nuk mund ta bëjë edhe sikur të mos e besojmë Edi Ramën, kryeministri ka thënë që, edhe pse ndaj SPAK-ut ka njëmijë pakënaqësi, ai do të goditet apo mund të mbyllet, thjesht dhe vetëm në momentin kur duhet të kalojë mbi trupin e Ramës apo të amerikanëve.

Enveristi i fundit ngelet i vetmuar/ Opozita braktis komisionin,
Fatmir Xhafaj dhe Edi Rama, burimi LSA

Pra, dy mbrojtës të SPAK-ut, por në asnjë moment dhe në asnjë rast, edhe pse kryeministri e ka bërë këtë qëndrim dhe ndërkombëtarët e kanë pasur këtë qëndrim, Fatmir Xhafaj nuk ka dalë dhe të thotë një fjalë të vetme, që SPAK-u nuk do të preket, që SPAK-u nuk do të thirret në Apel. Që drejtësia ka probleme, ky është një fakt, por i vetmi institucion që po funksionon ndryshe nga të tjerët është SPAK-u.

Në rast se krijohet një komision për të goditur këtë institucion Fatmir Xhafaj duhet të mendohet mirë dhe do të duhet që ai të paktën të dalë publikisht dhe t’u garantojë shqiptarëve dhe njerëzve që kanë shqetësim apo duan të mbrojnë një institucion që lufton vërtet korrupsionin në Shqipëri, se SPAK-u nuk do të jetë pjesë e goditjes së Xhafajt, ashtu sikundër ai do të godasë institucionet e tjera duke tentuar të shpikë reforma apo ndryshime ligjore për institucione të ndryshme, të pavarura, në emër të integrimit në BE. (Lexo këtu)

Enveristi i fundit ngelet i vetmuar/ Opozita braktis komisionin,
SPAK, burimi LSA

Megjithëse në fakt parlamenti e ka një komision parlamentar për integrimin që drejtohet nga opozita dhe nuk do të jetë ky që do ta drejtojë rrugën drejt BE-së, por duhet një komision i posaçëm i drejtuar nga një ish-enverist që t’i japë përgjigje Evropës për punën e institucioneve të pavarura në Shqipëri./ CNA





Lajmet e fundit nga