E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Nikolla dhe Spiropali, "furça" komisionit të Xhafajt

14 Qershor 2024, 10:12, Politikë CNA

Nikolla dhe Spiropali, "furça" komisionit të Xhafajt

Lindita Nikolla dhe Fatmir Xhafaj në Komisionin e Posaçëm, foto e marrë nga Kuvendi i Shqipërisë

Kryetarja e Kuvendit, Lindita Nikolla, dhe ministrja për Marrëdhëniet me Parlamentin, Elisa Spiropali, morën pjesë në mbledhjen e parë të Komisionit të Posaçëm, që do të thërrasë në Apel institucionet e shtetit.

Komisioni që drejtohet nga Fatmir Xhafaj, i njohur ndryshe si enveristi i fundit, bëri sot konstituimin.

Gjatë mbledhjes nuk munguan "furçat" e Lindita Nikollës për këtë komision të ngritur nga mazhoranca, pa bashkëpunimin e opozitës.

Përveçse lavdëruan komisionin, ata dhanë edhe mesazhe për opozitën, e cila bojkotoi mbledhjen.

“Ka një mision të rëndësishëm kombëtar, me përgjegjësinë që kuvendi i ka ngarkuar për kurorëzimin e anëtarësimit të Shqipërisë në BE, përmes sundimit të ligjit dhe luftës ndaj korrupsionit, komisioni do ketë mbështetjen e plotë të kuvendit dhe timin personal. Komisioni nuk ka asnjë ngarkesë politike apo interes partiak. Duke qenë se është komision gjithëpërfshirës shpreh keqardhjen që opozita nuk është prezente”, tha Nikolla.

Edhe Spiropali mburri komisionin e Xhafajt, duke pretenduar se do të ndihmojë anëtarësimin e Shqipërisë në BE.

“Të nderuar kolegë dhe anëtarë të Komisionit të Posaçëm për Antikorrupsionin, procesi i negociatave me qëllim anëtarësimin në BE do t’i japë hov më tej kësaj faze. Vazhdimësia drejt integrimit do të kërkojë plotësimin e reformave. Një nga sfidat kryesore lidhet me domosdoshmërinë për plotësimin e reformave, siç është reforma në drejtësi dhe reformën në administratën publike. Këto masa vijnë si manifestim dhe si besim yni, se për këtë çështje duhet qasje kombëtare dhe gjithëpërfshirje. Në BE nuk integrohet qeveria, por shteti shqiptar. Dora jonë për deputetët e opozitës, mbetet e shtrirë. Debatet politike mbahen mend përkohësisht. Dialogu përbën një qasje të re dhe të nevojshme për një cikël të ri reformimi të rolit të Kuvendit”, deklaroi Spiropali./ CNA