web counter
LEXO PA REKLAMA!

SHKARKO APP

App Store
Google Play

Deputetja i përgjigjet thirrjes së Berishës/ Lulzim Basha braktiset masivisht

13 Qershor 2024, 16:59, Politikë CNA
Deputetja i përgjigjet thirrjes së Berishës/ Lulzim Basha
Lulzim Basha

Kreu i PD-së, Sali Berisha u ka bërë thirrje të gjithë deputetëve që të bashkohen në PD, pasi mori vulën dhe siglën e partisë.

Një nga deputetet që i është përgjigjur thirrjes është Eralda Bano.

Në një postim në rrjetet sociale, deputetja e qarkut të Fierit shkruan se rruga më e mirë për të rikthyer shpresën në çdo vatër shqiptare është që të ketë një opozitë të formuar, të papërçarë dhe të pathyeshme, sikundër shpreh bindjen që debati i brendshëm duhet të vazhdojë për të mirën e të gjithëve.

Deputetja thekson se vendimi i saj politik është i thjeshtë, që ka qenë dhe do të mbetet deputete e Partisë Demokratike të Shqipërisë.

“Të dashur qytetarë,

Lufta me veten është lufta më e vështirë dhe forma më sublime e rimëkëmbjes, luftë e cila është e domosdoshme dhe jetike. Kjo luftë do duhet të na forcojë e të na kthejë në modelin më të mirë të vetes.

Demokratë të nderuar,

Dëshiroj të shpreh përulësisht një mirënjohje të thellë për këdo që më ka mbështetur në këto vite!

Jam mirënjohëse ndaj miqve, kolegëve,simpatizantëve të mi dhe kujtdo që ka marrë guximin të më kritikojë. Jam e bindur që në ditë të vështira nevoja për të reflektuar mbi të ardhmen prevalon mbi çdo ideologji, bindje apo mendim.

Jam e vetëdijshme se rruga më e mirë për të rikthyer shpresën në çdo vatër shqiptare është që të kemi një opozitë të formuar, të papërçarë dhe të pathyeshme, sikundër jam e bindur që debati i brendshëm duhet të vazhdojë për të mirën e të gjithëve.

Vendimi im politik është i thjeshtë. Unë jam, dhe do të mbetem deputete e Partisë Demokratike të Shqipërisë”, shkruan deputetja.

Ky është një tregues më shumë që Luli Basha po braktiset masivisht dhe askush më nuk e ndjek pas “kryetarin vulëhumbur”./ CNA





Lajmet e fundit nga