E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Milva Ekonomi, "mollë sherri"/ Debatet te Komisioni Hetimor për Shëndetësinë

13 Qershor 2024, 14:20, Politikë CNA

Milva Ekonomi, "mollë sherri"/ Debatet te Komisioni Hetimor

Albana Vokshi dhe Eduard Ndreca, burimi LSA

Mbledhja e Komisionit Hetimor për Shëndetësinë këtë të enjte u shoqërua me debate mes socialistëve dhe demokratëve.

“Mollë sherri” u bë përfshirja e Milva Ekonomit si anëtare e Komisionit. Në nisje të mbledhjes, deputetja demokrate u shpreh se Milva Ekonomi, anëtare e komisionit, është në konflikt interesi pasi ka qenë drejtuese e Fondit të sigurimit të detyrueshëm të kontrollit shëndetësor dhe rezulton se ka firmosur për koncesionin e sterilizimit.

Ky pretendim nuk u pranua nga nënkryetari i komisionit, socialisti Eduard Ndreca, që i doli në mbrojtje koleges së tij.

Kërkesa e opozitës u rrëzua me votat e mazhorancës.

Pjesë nga debati:

Vokshi: Zoti, Ndreca ju lutem pyetje që kanë të bëjnë me objektin, jo me jetën personale. Nuk jemi këtu për të marrë në pyetje patronazhistët. Ai që në vitin 2005 ka punuar në KLSH. A mund të kaloni te pyetjet.

Ndreca: Pyetjet e mia i interpretoj unë.

Vokshi: Ju lutem dilni te thelbi.

Ndreca: E para është shumë e shëmtuar kjo që bëni në sy të dëshmitarit sepse ne jemi një trupë këtu. Ju nuk mund të ndërhyni për asgjë që pyes unë dhe as unë nuk ndërhyj te pyetjet e kolegut. Se çfarë qëllimi ka pyetja ime dhe çfarë përgjigjesh jep dëshmitari, është një çështje që e gjykon komisioni në fund. Pyetjet e mia kanë qëllimin e vet, nuk ka asnjë pyetje personale. Por për formimin profesional.

Vokshi: Nuk jemi këtu për të gjykuar formimin e profesional të audituesve të KLSH-së.

Ndreca: Unë bëra pyetje, nuk bëra asnjë gjykim. E pyeta për të kuptuar kapacitetin profesional që të krijoj bindjen time se sa formim kanë ata që kanë bërë kontrollin.

Vokshi: Nuk ka çfarë të duhet ty!

Ndreca: Ajo që më duhet mua nuk ka çfarë të duhet ty. Në momentin që ju ndërhyni në pyetje, ne e ndërpresim seancën dhe nuk bëjmë asnjë pyetje më. Nëse e kaloni dhe këtë kufi do të thotë se nuk ka proces.

Vokshi: Lëre skemën e patronazhimit dhe vazhdoni me pyetjet.

Ndreca: Ja zonja kryetare, ja patronazhimi me komisionin hetimor.

Vokshi: Po, e keni bërë me të gjithë familjarët tanë. Lërini njerëzit. Qëndroni te thelbi.

Ndreca: Thelbin nuk e përcakton ti, jemi të lirë të bëjmë pyetje.

Vokshi: Vazhdoni me pyetjet zoti Ndreca.

Ndreca: Po ju kërkoj për të katërtën herë, mos ndërhyni dhe ndikoni te pyetjet, ky nuk është proces, por farsë.

Vokshi: Në lidhje me objektin Sterilizimin dhe "Check Up"-in, keni pyetje?/ CNA