E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Media e Bashës: Luli u tradhtua, Berishës ia dhanë vulën amerikanët

12 Qershor 2024, 07:49, Politikë CNA

Media e Bashës: Luli u tradhtua, Berishës ia dhanë vulën

Lulzim Basha, burimi LSA

Lulzim Basha humbi të martën betejën për vulën e Partisë Demokratike, pasi Gjykata e Apelit njohu ish-kryeministrin Sali Berisha si kryetar të partisë.

Një nga mediat pranë Lulzim Bashës e ka cilësuar këtë vendim të Gjykatës së Apelit si një mbështetje të amerikanëve ndaj Berishës.

Portali "Faktor.al", media e cila përflitet për financim nga Basha, në një shkrim në rrjetet sociale deklaron se Luli është tradhtuar nga amerikanët dhe njerëzit e tyre në drejtësinë e vetuar.

My sytë e skuqur se i ka kaluar gjumi, Basha flet përçart: Rama dhe Berisha në koalicion
11 Qershor, 23:03
Lul Basha tallet me Kryesinë/ “Vulën do ta marrim në Gjykatën e Lartë ose në Strasburg”
11 Qershor, 22:22

Shkrimi i plotë:

Lulzim Basha u tradhtua nga drejtësia. Ai u tradhtua nga një gjyqtare e zonës së parë operative, kunata e motrës së zv.kryeministres, një gjyqtare që ka burrin shef policie të Edi Ramës dhe një gjyqtare që e ka burrin referent të US Justice.

Pra, Lulzim Basha është tradhtuar jo vetëm nga drejtësia, por edhe nga njerëzit e amerikanëve në drejtësi vetuar. U tradhtua dy herë nga amerikanët sepse punonjësit e OPDAT nuk ishin në sallë siç ishin në Apelin e mëparshëm.

E kishte marrë vesh gjysma e Tiranës që gjykatësit kërkonin takim me njerëzit e Rithemelimit. E kishte marrë vesh sistemi i drejtësisë si ishte vendimi që kanë shkruar me qetësi pasi Gazment Bardhi e kishte bërë detyrën e tij. Ankimi i PD ishte bërë ditën e 12 të kur ligji e kërkonte brenda 10 ditëve…

Le të mos komentojë Lulzim Basha vendimet e gjykatës sepse ka standard të lartë.

Lulzim Basha, burimi LSA

E vërteta është që ai është tradhtuar si politikan nga drejtësia dhe amerikanët.

Ata duan që Edi Rama të marrë edhe një mandat tjetër sepse projekti ‘PS 2030’ është i mirë për interesat e tyre dhe ata që kërkojnë që të ketë shtrëngim të vidave të sistemit nuk janë të dëshirueshëm. Ata duan që Shqipëria të ecë kështu siç është, një lavatriçe e madhe ndërkombëtare, ku vrima e zezë të zgjerohet.

Megjithatë këtu ka një problem me llogaritë. Lulzim Basha ka një ide për shtetin dhe program për Shqipërinë që nuk ia marrin dot. Çuditërisht ka edhe njerëz prapa tij që besojnë se shtrëngimi i vidave të shtetit është ajo që meriton Shqipëria.

PD e ka humbur vokacionin maxhoritar në shoqëri dhe zgjidhja është një formulë tjetër që po eksperimentohet në Hungari, në Francë dhe gjetkë. Është çështje kohe./ CNA