web counter
LEXO PA REKLAMA!

SHKARKO APP

App Store
Google Play

E fundit!

x

Shtyrja e takimeve me emigrantët/ Rama zbulon arsyet

11 Qershor 2024, 17:38, Politikë CNA
Shtyrja e takimeve me emigrantët/ Rama zbulon arsyet
Kryeministri Edi Rama

Kryeministri Edi Rama ka zbuluar se turin e takimeve me emigrantët do ta nisë në muajin shtator.

Gjatë fjalës së tij në mbledhjen e Asamblesë Kombëtare të PS, Rama zbuloi arsyet e shtyrjes së takimeve.

Numri një i qeverisë deklaroi se takimi në Londër u shty për shkak të zgjedhjeve, në Gjermani për shkak të kampionatit europian, ndërsa për takimin në SHBA theksoi se ende nuk është vendosur një datë.

“Turi do të vazhdojë në shtator, duke qenë se për shkak të zgjedhjeve të parakohshme në Londër u bë një problem më vete marrja e sallës që kishim prenotuar më parë dhe me të drejtë sepse në një situatë zgjedhore është normale që edhe ne të shmangnim një takim që pavarësisht se nuk është një takim partiak apo pavarësisht se s’ka të bëjë drejtpërdrejtë me zgjedhjet në Britaninë e Madhe, sidoqoftë është një takim politik.

Po kështu duke qenë se parashikimi apo përgatitja për të bërë takimin tjetër të Dyseldorfit në një moment shumë afër me ndeshjen e skuadrës tonë kombëtare, nuk do donim që të krijohej një ide e një përzierje të dy gjërave edhe pse takimi ishte i organizuar pavarësisht nga.

Prandaj në shtator do të rimarrim përsëri turin edhe do të zhvillojmë takimet e Gjermanisë dhe të Britanisë së Madhe, ndërkohë që do të përgatisim dhe një takim në Shtetet e Bashkuara. Kjo, për sa i përket organizimit në raport me 20 korrikun, që është data e Kongresit që do të miratojmë sot.”, tha ndër të tjera Rama./ CNA





Lajmet e fundit nga