web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Fitorja e sotme do të shënohet në histori

11 Qershor 2024, 20:35, Politikë CNA
Berisha: Fitorja e sotme do të shënohet në histori
Kreu i PD-së, Sali Berisha, burimi i fotos PD

Kreu i PD-së, Sali Berisha e konsideroi fitoren e sotme më të rëndësishme në histori.

Lideri i demokratëve deklaroi se qeveria nisi luftë të egër ndaj flamurit të PD-së pasi demokratët denoncuar dhe luftuan ndaj narkoshtetit.

“Por vitet e fundit, me të njëjtën egërsi që komunistët shkallmuan simbolet fetare, përdhosen simbolet kombëtare, kërkuan në hakmarrjen më primitive të zhduknin flamurin e lirisë, e demokracisë në ShqipëriKëtë flamur kërkuan ta grabisnin!Këtë flamur kërkuan ta tjetërsojnë.Ishte planifikuar që ky flamur të zhdukej dhe të mbetej një relike e historisë.

Kësaj here jo nga komunistët, por nga një formë e re perverse diktature, që së fundmi u pagëzua edhe nga mediat ndërkombëtare si shtet i mafies, si narkoshteti!Ishte pikërisht lufta jonë ndaj këtij narkoshteti, ishte ekspozimi që u bëmë vjedhjeve të tyre monstruoze, denoncimet qe ne bëmë ndaj krimeve të Edi Ramës, që nisën këtë luftë të egër ndaj flamurit të Partisë Demokratike.

Dhe e paguam me sakrifica këtë luftë kundër narkoshtetit.Që nga kryetari, që është prej muajsh në arrest pa asnjë akuzë, e deri te mbështetësi më i ri i Partisë Demokratike, të gjithë kemi bërë pjesën tonë të sakrificave.

Por pse sakrifikojmë ne? Ne sakrifikojmë për dinjitetin e shqiptarëve.Ne sakrifikojmë për pluralizmin politik.Ne sakrifikojmë për interesin kombëtar.Ne sakrifikojmë për demokracinë.Dhe në këto sakrifica, ne ia dolëm që ta shpëtojmë flamurin e Partisë Demokratike.

Me këtë flamur ne sot i fshijmë lotët Shqipërisë, e cila në 10 vite ka humbur 35% të bijve dhe bijave të saj nga regjimi i Edi Ramës.Nga një shpopullim genocidal, që se ka parë kurrë historia e Shqipërisë.Nga një shpopullim genocidal, plotësisht i qëllimshëm, nga narkoshteti i Edi Ramës.Prandaj nga gjithë fitoret dhe gëzimet e demokratëve, fitorja e sotmja do të shënohet në histori si ajo më e rëndësishmja.Sepse sot ky flamur u përjetësua, si simboli i kryengritjes më epike të shqiptarëve ndaj së keqes”, tha Berisha./ CNA





Lajmet e fundit nga