web counter
LEXO PA REKLAMA!

SHKARKO APP

App Store
Google Play

PS zhvendosi seancën për ndeshjen e Kombëtares/ Bardhi “përplaset” me Felajn

12 Qershor 2024, 10:52, Politikë CNA
PS zhvendosi seancën për ndeshjen e Kombëtares/ Bardhi
Gazment Bardhi, foto e marrë nga Kuvendi i Shqipërisë

PS zhvendosi seancën plenare të së enjtes së javës që vjen për shkak të ndeshjes së Kombëtares në Euro 2024.

Kjo ka sjellë “përplasje” në Kuvend mes kreut të Grupit Parlamentar të PD-së, Gazment Bardhi, me nënkryetaren e Kuvendit, Ermonela Felajn.

Bardhi tha se qytetarët duhet të sqarohen për këtë zhvendosje të seancës, ndërsa ngriti akuzat se PS po e trajton Kuvendin si dyqan personal.

“Sot është e mërkurë dhe vendosët që Kuvendin ta trajtoni si dyqanin tuaj personal. Në cilësinë e drejtueses së seancës sqaroni qytetarët për ndryshimin e ditës së seancës. Ka dalë në media një arsye banale, nëse është kjo, është një akt i turpshëm dhe distancohemi nga ajo arsye banale që zhvendos agjendën e Kuvendit.

Kërkesa për interpelancë urgjente përfshihet si pikë e parë e rendit nëse nënshkruhet nga 7 deputetë. Jeni kthyer në banalë në gjithçka bëni. Kryetarja e Kuvendit e cilësoi si cenim i nderit dhe dinjitetit të Ramës. Nëse kishte nder të mos jepte tenderë për familjarët, por të mirëmenaxhonte paratë publike”, theksoi ai.

Nga ana tjetër, Felaj nuk pranoi të argumentojë vendimin e Kuvendit.

“Nuk jam e detyruar që të jap llogari. Për shtyrjen e seancës jeni njohur me vendimin e kryetares së Kuvendit”, deklaroi ajo./ CNA





Lajmet e fundit nga