web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca për “Gërdecin”/ Mediu kërkon riekspertim të dëmit ekonomik

12 Qershor 2024, 10:32, Politikë CNA

Gjyqi për ish-ministrin e Mbrojtjes, Fatmir Mediu, është shtyrë sërish këtë të mërkurë. Në seancën e së mërkurës ishin të pranishëm pesë ekspertët që kanë firmosur aktin e ekspertimit për dëmin ekonomik të shkaktuar nga shpërthimi.

Ata i kërkuan gjyqtares kohë që të lexojnë aktin e tyre të ekspertimit të dëmit ekonomik, ndërsa kanë thënë se nuk janë ekspertë të licencuar. Nga ana tjetër, Mediu përsëriti kërkesën për akt-ekspertim të ri.

“Zonja gjyqtare përballë jush janë dy palë. Barazia në këtë proces është një e drejtë, e ligjshme. Unë mendoj se gjithë kjo situatë tregon një lloj tendence për të vazhduar në absurditet. Këta zotërinjtë e tregojnë vetë që nuk janë ekspertë dhe se kanë dhënë një mendim pranë institucioneve. Ky proces është krejt formal, pa suspansë, për të shkuar tek e vërteta. Ne kërkojmë të bëhet një akt-ekspertim i ri për të parë nëse ka pasur dëm ekonomik apo jo. Ky akt-ekspertimi ka nevojë për një analizë me të thelluar, se pas vitit 2008 ka pasur demontim. Nëse duam proces gjyqësor, që nuk është një debat i anshëm i prokurorisë, le ta kthejmë këtë në proces gjyqësor dhe të mos i zhvillojmë këto seanca sa për të kaluar radhën”, tha Mediu.

Seanca u shty për në 26 qershor për t'u dhënë kohë ekspertëve të njihen me aktin.

Prokuroria e Posaçme ka ngritur dy akuza ndaj ish-ministrit të Mbrojtjes atë të, “Shpërdorimit të detyrës” kryer në bashkëpunim, dhe “Shpërdorim i detyrës” në bashkëpunim me subjekt ushtarak-kuadër komandues për shpërthimin e ndodhur në Gërdec më 15 mars 2008, ku humbën jetën 26 persona dhe u plagosën qindra të tjerë./ CNA





Lajmet e fundit nga