web counter
LEXO PA REKLAMA!

SHKARKO APP

App Store
Google Play

Kaso: Do të bëhet auditim i rreptë për fondet e partisë të përdorura nga Basha

12 Qershor 2024, 19:37, Politikë CNA
Kaso: Do të bëhet auditim i rreptë për fondet e partisë
Ivi Kaso, perfaqesues ligjor i PD

Përfaqësuesi ligjor i PD-së, Ivi Kaso ka deklaruar se pas marrjes në dorë të vulës, do të bëhet një auditim i rreptë i fondeve të partisë që ka përdorur Lulzim Basha.

Kaso u shpreh gjatë një interviste se është përcaktuar një person tjetër për përdorimin e fondeve dhe vula e vjetër ka qenë e regjistruar, ka pasur disponim të plotë të fondeve.

“Partia Demokratike e vulës ka pasur të drejtën e përdorimit të fondeve. Veç Gazment Bardhit ka pasur dhe zyrtarë të tjerë të autorizuar për përdorimin e fondeve.

Në dijeninë tonë është përcaktuar një person tjetër për përdorimin e fondeve dhe vula e vjetër ka qenë e regjistruar, ka pasur disponim të plotë të fondeve.

Në momentin që PD zyrtare do të hyjë në ridisponim të llogarisë bankare, gjithçka do ti nënshtrohet një auditimi të rreptë se si janë përdorur këto fonde, dhe se është gjendja faktike në të cilën do të përballet përgjegjësia e PD-së në moment që merr disponimin e llogarive”, është shprehur Ivi Kaso./ CNA





Lajmet e fundit nga