web counter
LEXO PA REKLAMA!

SHKARKO APP

App Store
Google Play

Këlliçi-Rrumbullakut e Vocajt: Po dhunuat qytetarët, e keni personale me PD-në

14 Qershor 2024, 12:23, Politikë CNA
Këlliçi-Rrumbullakut e Vocajt: Po dhunuat qytetarët, e keni
Belind Këlliçi

Në protestën e sotme që u zhvillua para bashkisë, drejtuesi politik i PD-së për Tiranën, Belind Këlliçi, u bëri thirrje drejtuesve të policisë që të mos prekin qytetarët. 

Ai iu drejtua Muhamet Rrumbullakut dhe Tonin Vocajt se po të prekin protestuesit e kanë personale me PD-në. 

“Guxoni prekni qytetarët, jeta është shumë e gjatë. Do ta keni personale me qytetarët dhe Partinë Demokratike, qoftë ti Met Rrumbullaku, qoftë ti Tonin Vocaj, qoftë ai hajduti i bashkisë. Demokratë mos u mërzisni, me betejën tuaj, me qëndresën tuaj, ia dolëm të shembim planin e Edi Ramës që donte të linte vendin pa opozitë. Për një të vërtetë shumë të madhe ju ftojmë të qëndroni, në Bashkinë e Tiranës është një hajdut, një fundërrinë si Erion Veliaj, i cili do të marrë faturën që i takon”, tha Këlliçi.

Ai u shpreh i vendosur se nuk do të tërhiqen në asnjë moment dhe do të çojnë para drejtësisë Erion Veliajn. 

"Pa çuar Erion Veliajn para drejtësisë, pa çuar para drejtësisë drejtorët hajdutë, ne nuk tërhiqemi. Ky qytet paguan 30 milionë euro në vit për të vjedhur Veliaj. Ne nuk do të ndalemi, kush ka vjedhur do të shkojë në burg", u shpreh ai./CNA 





Lajmet e fundit nga