web counter
LEXO PA REKLAMA!

SHKARKO APP

App Store
Google Play

E fundit!

x

Berisha, “shpërfill” Alibeajn/ Vendimi për përjashtimin e deputetëve, zero vlerë

12 Janar 2023, 21:06, Politikë CNA
Berisha, “shpërfill” Alibeajn/ Vendimi për
Kryetari i Partisë Demokratike, Sali Berisha

Kryetari i Partisë Demokratike, Sali Berisha, është pyetur mbrëmjen e sotme për përjashtimin e 4 deputetëve nga Grupi Parlamentar, nga Enkelejd Alibeaj.

Berisha shpërfilli Alibeajn, teksa tha në emisionin e Çim Pekës se ky vendim ka zero vlerë.

Ai e cilësoi këtë vendim si një përpjekje të Ramës për të asgjësuar PD-në dhe pluralizmin.

“Zero vlerë. Shiko zotëri, gjykata e këtij vendi ka vendosur për Kuvendin e 11 dhjetorit, në botë nuk ka vend në të cilin ai vendim nuk regjistrohet në regjistër, përveçse në Tiranë, me urdhër të Edi Ramës. Ai është vendim përfundimtar. Ai regjistrohet automatikisht në regjistër. Ky është ligji qëkur shoqëritë kanë vendosur që shoqatat dhe partitë t’i regjistrojnë në gjykata dhe jo në ministri.

Ky është një dallim midis vendeve të lira dhe vendeve demokratike. Në vendet jo demokratike regjistrohen në ministri dhe jo në gjykatë, ndërsa në vendet e lira shoqatat dhe partitë regjistrohen në gjykatë. Kaq është kjo. Gjithçka është në shkelje të çdo ligji e rregulli. Është përpjekje e Edi Ramës për të asgjësuar PD-në dhe pluralizmin. Është një armik i egër i kësaj partie dhe pluralizmit”, theksoi lideri i demokratëve./ B.A. - CNA.al





Lajmet e fundit nga