E fundit!

22:06 Politikë

“Vetëm një i leshtë mendon që protesta nuk është e manipuluar”/ Spaho: Shqipëria drejt destabilizimit politik

Ish-nënkryetari dhe ish-deputeti i PD-së Edmond Spaho ka f...

Zbardhet vendimi i Apelit/ Grupi i vulës sulmoi pa baza gjyqtaren e çështjes së statutit të PD-së

12 Janar 2023, 17:05, Politikë CNA

Zbardhet vendimi i Apelit/ Grupi i vulës sulmoi pa baza gjyqtaren e

Gazment Bardhi dhe Enkelejd Alibeaj

Gjykata e Apelit rrëzoi ditën e sotme dhe gjobiti grupin e vulës apo siç njihet ndryshe opozitën e improvizuar, e cila sulmoi gjyqtaren Irida Kacerja për çështjen e statutit të PD-së.

CNA.al ka zbardhur vendimin e gjyqtares së Apelit Edlira Petri, e cila ka refuzuar grupin e vulës për të përjashtuar Kacerjan.

Grupi i vulës pretendonte se Irida Kacerja kishte paragjykuar çështjen dhe se për këtë shkak duhej të përjashtohej nga gjykimi i saj, gjë që u kundërshtua nga gjyqtarja relatore e çështjes.

Por pas shqyrtimit të kërkesës, Gjykata e Apelit ka evidentuar se parimi i paanshmërisë nuk është shkelur nga Kacerja.

“Gjykata vlerëson se mungojnë arsye serioze për të besuar se paanësia e gjyqtares Irida Kacerja në lidhje me gjykimin e çështjes është e rrezikuar, për sa kohë që nuk rezulton që të evidentohen interesa apo gjykime personale, që lidhen me thelbin e pretendimeve të ngritura në ankim.

Apeli ‘rrëzon’ dhe gjobit grupin e vulës/ Nuk pranon shkarkimin e gjyqtares nga çështja e statutit
12 Janar, 16:14

Gjykata vlerëson se kërkesa për përjashtimin e gjyqtarit për shkak të vendimeve të ndërmjetme, jo vetëm që nuk gjen mbështetje ligjore, por përkundrazi vjen ndesh me parimin e pavarësisë dhe paanësisë së gjykatës”, thuhet ndër të tjera në vendim.

Pra, Apeli ka vlerësuar se “kërkesa për përjashtimin e gjyqtares nuk ka asnjë bazë që të pranohet dhe se nuk verifikohet asnjë arsye që objektivisht e bën atë të duket jo e paanshme”.

Për arsye të sjelljes së përfaqësuesit të grupit të vulës në proces, Gjykata ka vendosur që t’i gjobisë ata me 10,000 lekë.

Prapaskenat për statutin e PD-së/ Grupi “alibasha” “sulmon” gjyqtaren
22 Dhjetor, 09:20

“Gjykata e Apelit Tiranë, bazuar në nenet 72, 74, 75 dhe 76 të Kodit të Procedurës Penale vendosi:

- Mospranimin e kërkesës së ankuesit Partia Demokratike e Shqipërisë për përjashtimin e gjyqtares Irida Kacerja.

- Shpenzimet gjyqësore i ngarkohen kërkuesit.

- Gjobitjen e kërkuesit Partia Demokratike e Shqipërisë në shumën 10,000 (dhjetëmijë) lekë.

- Ky vendim është i formës së prerë.

- Një kopje e vendimit t’u komunikohet gjyqtares Irida Kacerja dhe kërkuesit Partia Demokratike e Shqipërisë”, theksohet më tej në vendim.

Kujtojmë se kërkesa për përjashtim ishte paraqitur nga përfaqësuesi i PD-së, avokati Rezart Thupi, ndërsa ishte nënshkruar nga Gazment Bardhi./ B.A. – CNA.al