LEXO PA REKLAMA!

SHKARKO APP

Përjashtimi i deputetëve/ Si e ka ndihmuar Rama, Alibeajn pas 8 janarit

11 Janar 2023, 12:08, Politikë CNA

Përjashtimi i deputetëve/ Si e ka ndihmuar Rama, Alibeajn pas 8

Skandali që u prodhua me tetë janar 2022 nga Lulzim Basha, Enkelejd Alibeaj me shokë, ku dhunuan demokratët dhe nuk i lejuan të futen në selinë e PD-së, të cilën e kishin blinduar, po ndiqet nga skandale të tjera, të prodhuara në bashkëpunim me pushtetin.

Kujtojmë se me 8 janar, kryeministri Edi Rama i ndihmoi “Alibashat”, të cilët ishin mbyllur brenda në seli me njerëz të armatosur, duke iu dërguar policinë, për të larguar demokratët nga shtëpia e tyre.

Përjashtimi i deputetëve/ Si e ka ndihmuar Rama, Alibeajn pas 8

Më pas ndihma e Ramës erdhi në një mënyrë tjetër.

Pas vendimit të Alibeajt, i cili paraqiti katër emra deputetësh para kryeparlamentares Lindita Nikolla si të përjashtuar nga grupi i PD-së.

Me 15.01.2022, Enkelejd Alibeaj ka vendosur përjashtimin e deputetëve Flamur Noka, Albana Vokshi, Luan Baçi dhe Edmond Spaho.

Përjashtimi i deputetëve/ Si e ka ndihmuar Rama, Alibeajn pas 8

Kjo është bërë e mundur edhe me firmën e kryeparlamentares socialiste, e cila ka pranuar propozimin e Alibeajt, që i përjashtonte me pretekstin se kanë ushtruar dhunë me 8 janar.

Pra, Edi Rama, pasi u dërgoi policinë në seli, pranoi të mos i njihte më as si deputetë të PD-së, katërshen e piketuar nga Alibeaj.

Kujtojmë këtu se si tallej kryeparlamentarja Nikolla me deputët e përjashtuar, kur kërkonin fjalën në Kuvend, pasi provokonte duke i quajtur të pavarur.

 

Përjashtimi i deputetëve/ Si e ka ndihmuar Rama, Alibeajn pas 8
Lindita Nikolla, gjatë drejtimit të seancës parlamentare

 

“Grupet janë konstituuar në Kuvend. Unë sot bëra atë që më thotë rregullorja. Atë që grupi i PD-së më ka përcjellë. Nuk ju fus unë dot në grup”, iu përgjigj Nikolla deputetëve të PD-së, gjatë seancës parlamentare të mbajtur në janar të vitit 2022.

Tashmë është hera e tretë që Alibeaj pret ndihmën e Ramës, pas përjashtimit të katër deputetëve të tjerë.

Përjashtimi i deputetëve/ Si e ka ndihmuar Rama, Alibeajn pas 8

Një ditë më parë Alibeaj ka vendosur të përjashtojë deputetët Tritan Shehu, Oerd Bylykbashi, Belind Këlliçi dhe Agron Shehaj.

Mes të përjashtuarve është edhe kandidati i opozitës për kryebashkiak të Tiranës, Belind Këlliçi.

“Sot, më datë 10.01.2023, ka përfunduar afati 1-vjeçar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu, Oerd Bylykbashi, Belind Këlliçi dhe Agron Shehaj. Në mungesë të aktit të distancimit, sipas vendimit nr.1 dhe nr. 1/1, datë 10.01.2022 të Kryesisë së Partisë dhe konfirmimit të Këshillit Kombëtar dhe Grupit Parlamentar të Partisë Demokratike në mbledhjen e datës 15.01.2022, nga sot hyn në fuqi masa e largimit zyrtarisht të tyre nga Grupi Parlamentar”, njoftoi një ditë më parë Alibeaj.

Përjashtimi i deputetëve/ Si e ka ndihmuar Rama, Alibeajn pas 8

Në lojë hyn sërish kryeministri Edi Rama, me anë të firmës së kryeparlamentares Lindita Nikolla, e cila më pas do t’i quajë të pavarur, ashtu si në rastin e parë.

Pra, situata është e tillë, Alibeaj-Rama kundër demokratëve./CNA.al

Lajmet e fundit nga