web counter
LEXO PA REKLAMA!

SHKARKO APP

App Store
Google Play

E fundit!

x

Rishfaqet Salianji, thirrje për bashkim

10 Janar 2023, 20:45, Politikë CNA
Rishfaqet Salianji, thirrje për bashkim
Ervin Salianji

Ervin Salianji, i njohur ndryshe si “Babalja” i opozitës, arriti sot në mesditë të sigurojë 21 firmat që i duheshin për shkarkimin e Enkelejd Alibeajt nga kreu i Grupit Parlamentar të PD-së, ndërsa ky i fundit si reagim përjashtoi katër deputetë nga grupi për të shpëtuar karrigen e tij.

Pas kësaj intrige është rishfaqur Ervin Salianji, i cili ka dalë publikisht dhe ka bërë thirrje për bashkim.

Me anë të një statusi në rrjetet sociale, Salianji thotë se nuk ka përjashtime nga PD, pasi thekson se nuk ka vendime të Grupit Parlamentar dhe as mbledhje të tij.

Teksa e cilëson përjashtimin e 4 deputetëve si vendim të marrë nga Alibeaj për inat, ai kërkon që demokratët të bashkohen.

"Duhet bërë gjithçka për bashkimin dhe dhënien forcë demokratëve! Nuk ka përjashtime, sepse s’ka vendime të grupit parlamentar as mbledhje të tij! Kam keqardhje kur lexoj deklarata personale dhe në dëshpërim të cilat nuk i bëjnë mirë askujt. Sakrificat e demokratëve kërkojnë bashkim jo ndarje! Shqipëria meriton opozitë reale dhe dinjitoze, fati politik i çdokujt varet nga votat jo nga mllefet personale!

Partia Demokratike nuk është pronë e askujt, dhe inatet e vogla nuk bëhen dot vendime! Grupi Parlamentar do të reagojë me përgjegjshmëri dhe përpjekja për bashkim, do duhet të shihet me shumë respekt për ata qe e bëjnë realitet në interes të vendit dhe demokratëve. Kjo do të ndodhë! Vetëm kjo rrugë e bën fituese Partinë Demokratike!", shprehet Salianji./ B.A. - CNA.al





Lajmet e fundit nga