Veliaj blen Alibeajn/ Përjashtohet Belind Këlliçi nga grupi i PD –së

10 Janar 2023, 17:52, Politikë CNA

Veliaj blen Alibeajn/ Përjashtohet Belind Këlliçi nga grupi i

Kreu i Grupit Parlamentar në detyrë, Enkelejd Alibeaj dhe kryebahskiaku i Tiranës, Erion Veliaj

Kreu i Grupit Parlamentar në detyrë, Enkelejd Alibeaj vazhdon lëvizjet e tij për të mbajtur peng Partinë Demokratike, por edhe vulën. Dhe tashmë për të përfituar nga pushteti dhe ortakëria me Edi Ramën ai i bën një shërbim perfekt kryebashkiakut në detyrë, Erion Veliajt.

Sot, Alibeaj ka përjashtuar nga Grupi Parlamentar katër deputetë të PD-së, midis tyre edhe Belind Këlliçin.

Kush janë 4 deputetët e përjashtuar nga Alibeaj
10 Janar, 17:19

Në fakt, më shumë sesa një goditje ndaj deputëtëve të tjerë, e gjithë lëvizja e bërë nga Alibeaj është goditja e Belind Këlliçit, i cili është dhe kandidati zyrtar për bashkinë e Tiranës.

Kështu Alibeaj i bën një qokë të radhës kryebashkiakut Erion Veliaj, i cili ditët e fundit pati një përplasje me Belind Këlliçin, pasi ky i fundit denoncoi një rrugë që po ndërohej pa u zhvilluar tenderi nga punjonjësit e administratës së bashkisë dhe më pas ky tender u anulua.

Belind Këlliçi

Pra, përjashtimi i Këlliçit ndodhi në kohën kur po zbulohej skandali i madh në bashkinë e Tiranës dhe kur e gjithë vëmendja mediatike duhet të ishte aty.

Anulohet tenderi fiktiv për rrugën “Xhon Belushi”/ Belind Këlliçi: Një fitore për Tiranën
9 Janar, 16:08

Akti i Alibeajt është një veprim i qartë politik, është një shitje, një pazar që ai ka bërë me kryebashkiakun Erion Veliaj.

Erion Veliaj

Të përjashtosh rivalin e Veliajt, dalë nga primaret e PD-së, është thjesht dhe vetëm t’i shtrosh rrugën më tej kryebashkiakut socialist në detyrë dhe t’ia bësh rrugën autostradë.

Alibeaj në fakt veprimin e ka bërë për të vrarë dy zogj me një gur.

Salianji, në krye të grupit parlamentar/ Zbulohen emrat që tradhtuan Alibeajn dhe Bashën
10 Janar, 14:27

Së pari, për të ulur numrin e firmave që kanë mbështetësit e Berishës, të cilët së bashku me Ervin Salianjin po bashkohen në një grup deputetësh, për të larguar Alibeajn nga kryetar grupi dhe për të vendosur Salianjin.

Enkelejd Alibeaj

Gjithçka ka dy qëllime në aktet e bëra nga Alibeaj. E para, të sigurojë karrigen e tij si kryetar i Grupit Parlamentar, pasi përjashtohen këto firma dhe duhen më shumë numra dhe deri tani Alibeaj ka përjashtuar edhe 10 deputetë të Partisë Demokratike.

U mblodhën firmat të shkarkohej/ Alibeaj përjashton 4 deputetë të tjerë, shërbim edhe Veliajt
10 Janar, 17:06

Tashmë Grupi Parlamentar ka rreth 36 deputetë dhe do të duhen rreth 19 firma për të shkarkuar Alibeajn, por grupi i Berishës ishin rreth 15 apo 16 deputetë, të cilët kishin firmosur për largimin e Alibeajt dhe vendosjen e Salianjit, tashmë është reduktuar më 4 deputetë, pra rreth 12 deputetë ende të papërjashtuar.

Ndërkohë që Alibeaj kërkon të mbajë peng kreun e Grupit Parlamentar, vazhdon betejën e tij gjykatave me procedura për të marrë vulën, por nga ana tjetër duke u sjellë si një monstër politike dhe si një përçarës, i shërben në mënyrë të devotshme dhe shitet tek Erion Veliaj, duke i bërë dhe një shërbim këtij të fundit me përjashtimin nga Grupi Parlamentar i PD-së të Belind Këlliçit./ CNA.al