web counter
LEXO PA REKLAMA!

SHKARKO APP

App Store
Google Play

E fundit!

x

I 100-i i 99-çave dhe një histori me Vasfi Harunin

10 Janar 2023, 19:48, Politikë CNA
I 100-i i 99-çave dhe një histori me Vasfi Harunin
Fotomontazh - Vasfi Haruni, Erion Veliaj dhe Enkelejd Alibeaj

Sot Enkelejd Alibeaj bëri një akt politik, duke përjashtuar pa mbledhur grupin thjeshtë dhe vetëm duke justifikuar me një mbledhje të vjetër kryesie, 4 deputetë  të PD-së. Të kartët njerëz me kontribute në PD, një prej tyre Belind Këlliçi, kandidati zyrtar i primareve për bashkinë e Tiranës, kandidati zyrtar i PD-së dhe tashmë i pakontestuar nga Lulzim Basha dhe linja e tij.

Megjithëse qartazi kulisat e Lulzim Bashës luajnë duke përdorur tentakula me Alibeajn apo Gazment Bardhin. Një tentakulë e tretë është dhe Jorida Tabaku, por e ngelur mënjanë, thuajse e neveritur nga të gjithë.

I 100-i i 99-çave dhe një histori me Vasfi Harunin
Enkelejd Alibeaj

Enkelejd Alibeaj bëri një akt politik duke hequr 4 deputetë për të shpëtuar kokën e tij si kryetar grupi, pasi 21 të zgjedhur të PD-së kanë firmosur për shkarkimin e tij dhe emërimin në krye të grupit të Ervin Salianjit.

Por problemi nuk qëndron te 4 emrat e përjashtuar që Enkelejdi të mbajë karrigen e tij, problemi qëndron te fakti se akti i Alibeajt është bërë në shërbim të Erion Veliajt, kryetarit të bashkisë së Tiranës, për të goditur rivalin e këtij të fundit.

I 100-i i 99-çave dhe një histori me Vasfi Harunin
Belind Këlliçi

Pra, nuk e kontestojnë Belind Këlliçin në primare, nuk nxjerrin një kandidat të tyrin për bashkinë e Tiranës, por përjashtojnë kandidatin e fituar të primareve Belind Këlliçin nga Grupi Parlamentar i PD-së.

Një shërbim politik ndaj Erion Veliajt, ish-kreut të G-99-ës, apo siç quheshin ndryshe 99-shat e Rilindjes.

Alibeaj, prej muajsh shërben si pastrues i Ramës, sot zbuluam se qënka part time edhe i Veliajt. 

Një histori e vërtetë 99-çash.

Në vitin 2009, kur për herë të parë Veliaj kandidoi me grupimin G-99, në Korçë vendosi disa kandidatë, lista kryesohej nga Ervin Mete, aktualisht kreu i AMF-së, dhe disa të rinj të tjerë që vinin kryesisht nga lëvizja Mjaft dhe i qenë atashuar Veliajt te G-99, te formula e koalicioneve, për të marrë sa më shumë vota dhe për të mundur Berishën, një gjë që rezultoi e pamundur dhe G-99 në finale një dështim total. 

CNA.al sjell një histori të 14 viteve më parë.

I 100-i i 99-çave dhe një histori me Vasfi Harunin
Erion Veliaj

Në atë kohë, Erion Veliaj vjen në Korçë për fushate dhe ka ndodhur një ngjarje me ish-presidentin e Skënderbeut, biznesmenin e ndjerë, Vasfi Harunin. "Incideti" tek Bar Elysee, një lokal në Bulervard Republika, i pa nga shumë klientë kur Veliaj dhe të tijët ishin mbledhur në tavolinë dhe ju afrohet Vasfi Haruni. Një personazh që njihej në Korçë për humorin dhe ngacmimet e tij, i afrohet dhe i pyet: “Kë përfaqësoni ju, nga cila parti jeni ju mo çuna?”

Një nga djemtë hidhet “ne jemi 99-çat, ne jemi G-99” dhe Vasfiu me ironi i përgjigjet: “Merreni dhe këtë *imin që të bëheni tamam 100”.

I 100-i i 99-çave dhe një histori me Vasfi Harunin
Vasfi Haruni

Kjo ngjarje me pak banalitet brenda, e aktualizuar me veprimet e Alibeajt, na jep të 100-in e Erion Veliaj si shërbëtor me aktin e sotëm politik.

Alibeaj sot na është sjellë si i 100-i i Erion Veliajt, duke i shërbyer jo vetëm kryebashkiakut, por edhe pazareve të tij me Edi Ramën dhe Rilindjen.

E ndërsa vëmendja sot duhet të ishte përballë kryetarit të bashkisë, duhet të ishte në front me çdo kryebashkiak tjetër, në Durrës, në Korçë, në Lezhë, në Tiranë, në Elbasan, në Vlorë dhe kudo tjetër, tani vëmendja është te i 100-i i lali Erit që është Enkelejd Alibeaj./ CNA.al





Lajmet e fundit nga