web counter
LEXO PA REKLAMA!

SHKARKO APP

App Store
Google Play

“Përjashtimi i deputetëve, pjesë e pazarit me Ramën”/ Ivi Kaso zbulon dy qëllimet e Alibeajt

10 Janar 2023, 22:45, Politikë CNA
“Përjashtimi i deputetëve, pjesë e pazarit me
Sekretari zgjedhor në PD, Ivi Kaso

Sekretari zgjedhor në PD, Ivi Kaso, e ka cilësuar përjashtimin e 4 deputetëve nga grupi parlamentar si pjesë të pazarit të Enkelejd Alibeajt me kryeministrin Edi Rama.

Kaso tha në emisionin e Adi Krastës se njëri nga qëllimet e Alibeajt është për interes personal nga pazari me Ramën.

Qëllimi tjetër, sipas tij, është zbehja e skandaleve të vjedhjes së ish-zyrtares nga pastruesja dhe e tenderit të Bashkisë së Tiranës, të denoncuar nga Belind Këlliçi për rrugën “Xhon Belushi”.

“Për fat të keq, kemi një që është quajtur si mungesë ndërgjegjësimi e këtyre personave, unë do ta quaja një pazar i vogël në funksion të interesit të vet, apo pritshmërie politike që mund të kenë për të krijuar një të ardhme në çfarëdo lloj forme, e ndoshta jo detyrimisht në këtë forcë politike që militojnë sot ose pretendojnë që përfaqësojnë, duke hyrë në pazare me të gjithëpushtetim e radhës, që në këtë rast është Rama, ndërkohë që ka një përpjekje të sinqertë nga të gjithë, që nga deputetët tek anëtari i fundit në bazë, për tu bashkuar.

Kemi një hetim të prokurorisë për një zyrtare të lartë, këshilltare e kryeministrit, që me gojën e vet, pastruesja thotë se ka marrë 500 mijë euro.

Nga ana tjetër kemi kapjen me presh në dorë të kryetarit të bashkisë, me 400 milionë lekë që do të ua jepte sponsorëve të vet të fushatës dhe del sot papritur ky lajm, për të mbytur dy lajmet e para. Por demokratët dinë që të mos bien pre”, theksoi ai./ B.A. - CNA.al





Lajmet e fundit nga