LEXO PA REKLAMA!

SHKARKO APP

Berisha, “shuplakë” Alibeajt për përjashtimin e deputetëve/ Zbatoi si mjeran urdhrin e Ramës

11 Janar 2023, 15:54, Politikë CNA
Berisha, “shuplakë” Alibeajt për përjashtimin e
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar për herë të parë për intrigat e Enkelejd Alibeajt për të mbajtur karrigen e kreut të grupit.

Teksa komentoi përjashtimin e 4 deputetëve nga Grupi Parlamentar të PD-së, Berisha tha se Alibeaj po zbaton urdhrin e kryeministrit Edi Rama.

“Zbatoi si mjeran një urdhër të Edi Ramës, i keqpërdorur në shkallën më ekstreme të Edi Ramës. Zbatoi urdhrin dhe shkelmoi edhe më shumë mbi dinjitetin. E ardhmja e PD do të jetë një grup kompativ dhe do të mbrojë me gjithë potencialin e tij, interesat e qytetarëve dhe do të bëjë çdo gjë për të shumëfishuar kontrollet. E shihni se kjo qeveri nuk ka se ku ta kapësh më parë”, theksoi ai.

Kujtojmë se CNA.al raportoi dje se Alibeaj përjashtoi nga grupi 4 deputetë, përfshirë këtu edhe kandidatin zyrtar të PD-së për Bashkinë e Tiranës në zgjedhjet e 14 majit, Belind Këlliçin.

Veprimi i Alibeajt erdhi si reagim ndaj mbledhjes së 21 firmave për ta shkarkuar si kryetar grupi, për ta marrë më pas këtë post Ervin Salianji./ B.A. – CNA.al

Lajmet e fundit nga