web counter
LEXO PA REKLAMA!

SHKARKO APP

App Store
Google Play

“Nuk e dija që kisha një vit kohë për autokritikë ndaj shokut Enkelejd”/ Këlliçi, ironizon Alibeajn

11 Janar 2023, 23:12, Politikë CNA
“Nuk e dija që kisha një vit kohë për autokritikë
Kandidati i PD-së për kryetar bashkie i Tiranës, Belind Këlliçi

Kandidati i PD-së për kryetar bashkie i Tiranës, Belind Këlliçi, ka ironizuar Enkelejd Alibeajn për përjashtimin e tij nga Grupi Parlamentar.

Ai tha në emisionin e Alba Alishanit se nuk e dinte që kishte një vit kohë për të bërë autokritikë ndaj Alibeajt për protestën e 8 janarit në selinë blu, ku Ervin Salianji, së bashku e njerëzit e Lulzim Bashës dhunuan me shkopinj e dru demokratët.

“Nuk e dija që paskam patur një vit kohë për të bërë autokritikë ndaj shokut Enkelejd Alibeaj, i cili në komisionin e dëbim-internimeve që ka ngritur në partinë imagjinare që drejton, vendosi që të më largojë nga grupi parlamentar, çuditërisht në pikën kulminante të kapjes në flagrancë të kryebashkiakut Erion Veliaj në një aferë korruptive. Nuk e di se çfarë duhet të bëj unë më shumë sesa të jem krah qytetarëve, të jem duke denoncuar afera, të jem në takime me strukturat e partisë dhe të jem në mbrojtje të interesit publik. Nuk e di se kush janë kriteret që paskam shkelur”, u shpreh ai.

Gjithashtu, kandidati zyrtar i PD-së për Tiranën theksoi se do apo nuk do Alibeaj, ai është deputet i Partisë Demokratike dhe do vazhdojë ta përfaqsojë të djathtën./ B.A. – CNA.al





Lajmet e fundit nga