Kuvendi nuk bëhet dot kuzhina e agroturizmit të Fatmir Xhafajt

17 Korrik 2024, 13:08, Editorial CNA

Kuvendi nuk bëhet dot kuzhina e agroturizmit të Fatmir Xhafajt

Fatmir Xhafaj në Kuvend

Fatmir Xhafaj, në fjalën e tij në Kuvend pasi bëri liderin e Partisë Socialiste, duke folur në emër të mazhorancës, deklaroi se mazhoranca paska reflektuar për rolin e vet në sistemin e drejtësisë.

Dhe sipas Fatmirit reflektimin e ka bërë nëpërmjet ngritjes së Komisionit “Xhafaj”! Te komisioni i vet, Xhafaj paska për t’u dhënë mundësinë organeve të drejtësisë që të kontribuojnë që Kuvendi të reflektojë përgjegjësitë e veta.

Foto nga mbledhja e Komisionit të Xhafajt

Kështu tha Xhafaj i skemës “5D”. (LEXO KETU)

Por në dijeninë e publikut, nuk rezulton që ndonjë nga organet e drejtësisë t'i jetë ankuar Fatmirit se Kuvendi nuk po i reflekton mirë përgjegjësitë e veta dhe as t'i ketë kërkuar institucionalisht Kuvendit, ngritjen e ndonjë komisioni ku ata të gjejnë nënën parti e të mund të shprehen për hallet e tyre.

Fatmir Xhafaj, "hambari" i mushkonjave
16 Korrik, 11:03

D.m.th. Fatmirit i ka lindur ideja, Fatmiri ka gjetur mangësi në rolin e Kuvendit, Fatmiri ngre Komision, Fatmiri ulet kryetar Komisioni “Ad-Hoc” dhe paska në plan t’i thërrasë që ata të flasin dhe Fatmiri t’i ndihmojë!

"Mazhoranca, në reflektim të përgjegjësive kushtetuese dhe ligjore të Kuvendit, e bëri këtë hap me ngritjen e një komisioni të posaçëm parlamentar që ndër të tjera do t’u japë mundësinë përfaqësuesve të vetë sistemit, ekspertëve dhe profesionistëve të saj, që vetë ata, njerëzit e sistemit, gjyqtarët dhe prokurorët, përfaqësuesit e institucioneve, të prezantojnë, debatojnë dhe vendosin në një proces të hapur për reflektimet që duhet bërë në sistem përmes një procesi gjithëpërfshirës dhe transparent përballë ekspertizës së shoqërisë civile, trupës akademike dhe vlerësimit të vetë qytetarëve."

Organet e drejtësisë e kanë të përcaktuar në ligjet e veta organike se kur, ku, si dhe pse shkojnë në Kuvend. Komisionet përgjegjëse për kontaktet me Kuvendin janë ato parashikuara nga Kushtetuta, Ligjet organike të organeve të drejtësisë dhe nga rregulloret e Kuvendit. Dhe asnjë nga ato akte nuk shkruan diku emrin e Fatmir Xhafajt si shefi i të gjithëve e mbi të gjithë.

Kuvendi sapo ka përfunduar procedurat e raportimeve të organeve të drejtësisë. Sapo ka prodhuar draft-rezolutat që pritet të miratohen. Asnjë nga raportet e shërbimeve të brendshme të Kuvendit nuk ka në përmbajtje, as problematika për institucionet e drejtësisë, as ndonjë nga hallet e Fatmirit.

BE, të njëjtin qëndrim me CNA/ Paralajmërimet për Draft-Rezolutën anti-SPAK me 8 pika
13 Maj, 19:37

Nga i gjeti Fatmiri zbulimet që bën?

Fatmir Xhafaj është thjesht një deputet i Kuvendit, pavarësisht titujve që kërkon t’i veshë vetes me një komision që nuk i siguron asnjë tagër, as të thërrasë, as të dëgjojë, as të propozojë. Si deputet mund të propozojë gjithçka që i mban pragu i derës duke kërkuar të zgjidhë listën e halleve personale.

Fatmir Xhafaj, njeriu që kërkon të mbyllë luftën e SPAK-ut me korrupsionin
11 Maj, 11:44
Si draft-rezoluta e Fatmir Xhafajt po i cakton detyra Kuvendit
10 Maj, 09:24

Por kryetar Komisioni nuk bëhet dot. Kuvendi nuk është pazari e as kuzhina e agroturizmit të Fatmir Xhafajt, ku ai mund të përgatisë menynë sipas vaktit apo sipas stinës.

Shërbimet e Monitorimit të Kuvendit, sipas raporteve të shkruara për 1 vit të tërë, nuk kanë në përmbajtjen e tyre asnjërën nga problematikat nga ato që ka halle Fatmiri.

Kjo është e vërteta së cilës Fatmiri nuk i kundërpërgjigjet dot me fantazmën e komisionit pa të mbathura./ CNA