Pse pas Beqajt e ka radhën Erion Veliaj?

7 Korrik 2024, 16:54, Editorial CNA

Pse pas Beqajt e ka radhën Erion Veliaj?

Kryebashkiaku i Tiranës, Erion Veliaj. Burimi, LSA

Disa persona mendojnë se Erion Veliaj është i paprekshëm, ai b*lehekuri që kishte nën kontroll SPAK-un, që nuk e prekte dot njeri, që nuk i preknin dot drejtorët, por mesa lexohen faktet, provat dhe gjithçka ka ndodhur, pas arrestimit të Ilir Beqajt, radhën e ka Erion Veliaj. (Lexo këtu)

E ka radhën Erion Veliaj për drejtorët e tij të paprekshëm të dosjes “5D”, sepse kryebashkiaku i Tiranës po i bën shqiptarët për budallenj.

Ai nuk dinte gjë që drejtorët e tij që i kishte 10 vjet në krah, që i kalonte sa në një institucion në një tjetër ishin kokrrat e hajdutëve, kishin krijuar një skemë kriminale dhe jo vetëm me “5D”-në se ajo kompani ka qarkulluar 20 apo 30 milionë euro.

Fotomontazh - Erion Veliaj dhe drejtorët e arrestuar për dosjen "5D"

Drejtorët e tij mund të kenë bërë shumë herë më shumë para sesa aq, pasi kanë firmosur kontrata edhe me inceneratorin e Tiranës, një tjetër aferë korruptive, që vetëm nga dherat i dha kompanisë rreth 60 milionë euro. (Lexo këtu)

Erion Veliaj nuk e dinte që nuk ekzistonte inceneratori i Tiranës, ashtu siç nuk e dinte që drejtorët e tij ishin hajdutë apo shpërndanin tenderë. (Lexo këtu)

Pra, Erion Veliaj ishte një “budalla” që qëndronte në krye të bashkisë, drejtorët e tij hapnin kompani dhe bënin tenderë sipas qejfit, ky bënte thjesht dhe vetëm sehir. Nuk ndërtohej inceneratori, por ky nuk kishte faj se e kishte bërë dikush tjetër, megjithëse e kishte aktivizuar ky kontratën dhe kishte marrë komandën, nuk e shembi ky teatrin.

3 faktet që “zhytin” Veliajn tek afera e inceneratorëve
17 Qershor, 12:45
Organizata kriminale e Erion Veliajt
4 Prill, 12:46

Në fakt, është përgjegjësi kryesor. Janë shumë hetime për Erion Veliajn, deri te pasuria.

Për ata që mendojnë se është i paprekshëm, pse po i hetohet pasuria Erion Veliajt? (Lexo këtu)

Sepse ka një akuzë për korrupsion, sepse ka dyshime, se Erion Veliaj është pas “5D”-së, se Erion Veliaj është strumbullari i inceneratorëve, se Erion Veliaj shembi paligjshmërisht teatrin, se Erion Veliaj ka bërë shkelje të tjera dhe ka shembur objekte në kundërshtim të ligjit në Tiranë, ka abuzuar me detyrën.

Për ata që mendojnë dhe besojnë gënjeshtrat e tij se SPAK-u do t’i pastrojë biografinë, më parë Prokuroria e Posaçme duhet të shikojë faktet skandaloze me familjarët e tij, me dajën e bashkëshortes Ajola Xoxa, me vjehrrën e tij, Valbona Xoxa, me përfitimet, me kompanitë e tyre. (Lexo këtu)

Ajola Xoxa dhe Erion Veliaj

SPAK-u nëse do të donte të amnistonte Veliajn nuk do t’i hapte hetimet! (Lexo këtu)

SPAK-u nëse do të donte ta amnistonte Veliajn nuk do ta linin te dera një orë të priste se shkoi kur donte në institucion!

SPAK-u nëse do të donte ta amnistonte nuk e thërriste dhe e mbante 7 orë!

SPAK-u nëse do të donte ta amnistonte nuk i hapte hetimin pasuror!

SPAK-u nëse do të donte ta amnistonte nuk merrej fare me Erion Veliajn, me drejtorët e tij të “5D”-së, inceneratorët, teatrin, etj.! (Lexo këtu)

Prandaj, për ata të gjithë që mendojnë se Erion Veliaj po shpëton, tani duhet ta kuptojnë njëherë me mirë se pas Ilir Beqajt radhën e ka Erion Veliaj!/ CNA