web counter
LEXO PA REKLAMA!

SHKARKO APP

App Store
Google Play

E fundit!

x

Si Erion Veliaj po godet Ramën, ministrat dhe deputetët e PS-së

19 Qershor 2024, 14:54, Editorial CNA
Si Erion Veliaj po godet Ramën, ministrat dhe deputetët e PS-së
Erion Veliaj dhe Edi Rama, fotomontazh

Erion Veliaj po përpiqet të bëjë pis këdo në Partinë Socialiste, thjesht dhe vetëm të “vrasë” zhurmën, të luftojë publikisht për të pasur sa më pak zëra dhe sa më shumë qetësi që ai të ketë mundësi me shpresat dhe ëndrrat që sheh se mund të mbyllë dosjet e tij të skandaleve dhe aferave korruptive në SPAK, që nga inceneratorët, dosja "5D", hetimet për teatrin, hetimi pasuror, ndërtimi i kullave e kështu me radhë. (lexo këtu)

Në një shkrim të 27 prillit 2024, janë renditur 6 rastësi në atë kohë që po ndodhnin pikërisht në momentin kur kishte plasur skandali i dosjes "5D" dhe zyrtarët e Bashkisë së Tiranës arrestoheshin, hetimet vazhdonin, media shkruante fort çdo ditë që nga sulmi i parë që filloi me Olsi Ramën, që ishte qartazi një dirigjencë me disa bashkime interesash që nuk përjashtohej as Erion Veliaj dhe inceneratorët, deri te kamerat e fshehta me Arben Ahmetajn.(lexo këtu)

Erion Veliaj sulmoi Edi Ramën, më pas shpiku ngjarjen e ministres Delina Ibrahimaj, e cila kishte ndodhur shumë muaj më parë. Shpiki një histori tjetër me fëmijët e Tom Doshit, një ngjarje që kishte plasur shumë muaj më parë. (lexo këtu)

Si Erion Veliaj po godet Ramën, ministrat dhe deputetët e PS-së
Delina Ibrahimaj

Kjo me një qëllim të vetëm, Erion Veliaj kërkonte mbështetjen e Edi Ramës dhe nga ana tjetër godiste për të “vrarë” zhurmën e tij. Duke theksuar, një zhurmë më e madhe “vret” një zhurmë më të vogël dhe luante me qëllimin “unë të bëj pis kudo”, thjesht dhe vetëm për të tërhequr pas vetes në unitet Ramën, PS-në, që kryeministri dhe vetë PS ta mbrojnë politikisht. (lexo këtu)

Si Erion Veliaj po godet Ramën, ministrat dhe deputetët e PS-së

Pas këtyre 6 rastësive që do t'i lexoni në këtë shkrim, ne po sjellim sot disa fakte të tjera që lidhen me personazhe mjaft të rëndësishëm në PS, të cilët sulmohen nga mediat e paguara nga inceneratorët, të cilët sulmohen nga mediat afër pushtetit, por me stilin kriminal të Erion Veliajt duke goditur dhe duke e bërë pis kë të mundet dhe si të mundet që të ketë sa më pak zhurmë dhe t’i relativizojë gjërat.(lexo këtu)

Pra, te teza e inceneratorëve janë të lidhur të gjithë, janë të përfshirë të gjithë, “çfarë kam unë te ‘5D’”, “çfarë kam unë”, disa drejtorë, “te teatri unë nuk kam faj, te kullat nuk kam faj”, te vjedhja e parave, tek abuzimet, te pasuria, nuk ka faj. Pra, Erion Veliaj nuk ka faj për asgjë. (lexo këtu)

Le t’i shikojmë rastet një nga një. 

Sulmet ndaj ministres së Infrastrukturës, Belinda Balluku

Tashmë qartazi në qarqet e PS-së e dëgjon betejën midis Belinda Ballukut dhe Erion Veliajt. Në fakt rezulton që të jetë e kundërt, një betejë e Erion Veliajt me Belinda Ballukun. Sulmet e tij poshtë brezit nëpër portale anonime, nëpër media, duke shpërthyer skandale, akuza apo deri në hapje shampanje kur arrestoheshin drejtorët e Ministrisë së Infrastrukturës. A thua nuk ishin nga e njëjta parti. 

Veliaj përdori deri te media kombëtare si “News 24”, Irfan Hysenbelliun, duke i mbushur mendjen se ishte Balluku që e godiste dhe askush nuk përmendte emrin e Edi Ramës. (lexo këtu)

Si Erion Veliaj po godet Ramën, ministrat dhe deputetët e PS-së
Belinda Balluku, foto LSA

Por nën rrogoz luante çdo fije Erion Veliaj që të sulmohej mediatikisht, jo vetëm nga anonimet apo portalet e mediat e inceneratorëve, por edhe nga media të tjera për t'u sulmuar ministrja e Infrastrukturës dhe zv.kryeministrja Belinda Balluku. Faktet janë me dhjetëra. 

Një betejë dhe përplasje e ashpër me Ulsi Manjën

Sulme, akuza, kundërakuza me ministrin e Drejtësisë dhe veprime të dirigjuara, të gjitha nga Erion Veliaj dhe bashkëpunëtori i tij i ngushtë, Fatmir Xhafaj. Enveristi i fundit tashmë ka ngelur me gisht në gojë me një komision që nuk i duhet askujt. Një komision që e kërkoi Erion Veliaj dhe Edi Rama ia dha, por askush nuk e ka mbështetur. Një fillim i nisur me dështim.

Sulmet ndaj Ulsi Manjës ishin mjaft të ashpra dhe për më tepër Erion Veliaj i gjeti dhe zëvendësimin e tij, por nuk mundi të kryente misionin e tij deri në fund, pas ndërhyrjes së ndërkombëtarëve dhe ndërhyrjes së Alfred Ballës nga kreu i KLP-së.(lexo këtu) 

Sulmet ndaj Ogerta Manastirliut

Sulme të pandalshme edhe nga mediat brenda Rilindjes që janë afër me Erion Veliajn apo dirigjohen prej tij. Janë bërë edhe ndaj ministres aktuale të Arsimit, ish-ministres së Shëndetësisë, Ogerta Manastirliu. Të pandalshme sulmet. Gjithmonë Erion Veliaj e ka parë si rivale, pasi vite më parë ajo përflitej si një kandidate e mundshme për Bashkinë e Tiranës dhe sapo dikush mund të perceptohet politikisht se mund të shkojë diku ku është Erion Veliaj, ai menjëherë shpërthen, sulmon, akuzon duke bërë pis sa të mundet dhe kë të mundet.(lexo këtu)

Si Erion Veliaj po godet Ramën, ministrat dhe deputetët e PS-së
Erion Veliaj dhe Ogerta Manastirliu

Aksioni kundër Peleshit dhe Damian Gjiknurit

Në 48 orët e fundit dy personat e sulmuar janë Niko Peleshi dhe Damian Gjiknuri, të dy për çështjen e inceneratorëve. Njërit i nxirren fotot dhe tjetri sulmohet me qëllimin e vetëm, atë që përmendem më lart, të relativizohet çështja e inceneratorëve. Pra, tek inceneratorët janë të përfshirë Arben Ahmetaj, Niko Peleshi që në 2013 i ka takuar ata, më pas ka qenë Damian Gjiknuri, po bllokimet e pagesave dhe shkatërrimin e NJZP-ve e ka bërë Belinda Balluku e kështu me radhë. (lexo këtu)

Të gjitha këto tezat e Erion Veliajt për të relativizuar gjërat dhe për të bërë pis këdo me skemat e tij të ndyra mediatike, të neveritshme, që i përdor duke menduar se do të shpëtojë lëkurën nga aferat. (lexo këtu)

Nuk shpëton as Elisa Spiropali

Gjithashtu nuk ka shpëtuar nga sulmet e Veliajt edhe Elisa Spiropali. Edhe nga memet e Erion Veliajt, sepse më lart nuk përmendën edhe faqet e shumta në rrjetet sociale që ai përdor, që i ka blerë nëpërmjet drejtorëve të Bashkisë Tiranë, ndonjë prej tyre edhe në burg. Fakti është që edhe Elisa u sulmua jo direkt nëpër media, po dikur nëpër portale anonime, diku në faqe memesh, goditje nën brez, pa kursyer askënd.

Si Erion Veliaj po godet Ramën, ministrat dhe deputetët e PS-së
Elisa Spiropali

Pra, sollëm të paktën 5 raste, dhe sulmet ndaj kryeministrit, gjashtë, të cilat vërtetojnë katërcipërisht se Erion Veliaj dirigjon një sulm mediatik duke përdorur influencat e tij dhe kontrollin që ka mbi mediat për të goditur kryeministrin dhe zv/kryeministrin, ministre, ministra, deputetë, me një qëllim, ndotjen e tyre për të thënë këtu jemi të gjithë bashkë, apo deri në kërcënimin politik të Edi Ramës për ta mbështetur sepse ndryshe ai mund t’i marrë me vetë të gjithë. (lexo këtu)

Si i kontrollon mediat, pagesat prej miliona eurosh që jep vëllai i tij janë një influencë e qartë. (lexo këtu)

Si Erion Veliaj po godet Ramën, ministrat dhe deputetët e PS-së
Erion Veliaj dhe Arbër Veliaj, fotomontazh

Pagesat e dhëna miliona euro nga inceneratorët janë një tjetër fakt për mediat që kontrollohen nga Erion Veliaj, që dirigjohen prej tij për të sulmuar jo vetëm opozitën siç është rasti i PD-së, ku sulmohet Berisha, bashkëpunëtorët e tij e kështu me radhë, por për të sulmuar një pjesë të rëndësishme të PS-së, drejtues të saj, ministra, me shpresën se Erion Veliaj do të dalë nga llumi ku është zhytur deri në fund. Por orët e ankthit dhe paniku i tij duket se nuk po mbarojnë derisa SPAK-u të çojë pakon e dytë të urdhër-arresteve për aferën e inceneratorëve, por edhe vazhdimi i thellimeve për dosjen “5D”. 

Gjithashtu hetimi i plotë i pasurisë së Erion Veliajt që derisa të përfundojmë dhe derisa të kemi një proces të qartë gjyqësor për kryebashkiakun e Tiranës, ai do të vazhdojë të godasë dhe të bëjë pis në PS këdo, deri te kryeministri, thjesht dhe vetëm me shpresën se duke i goditur të gjithë ai mund të shpëtojë./CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





16:11 Editorial Elvi FUNDO

Vula nuk mjafton!

Gjykata e Apelit më në fund vendosi drejtësi. I dha vu...

12:05 Editorial

Thjesht Erioni!

Nuk duhet të lodhesh shumë nga ana gazetareske për të bërë...

Lajmet e fundit nga