Alibeaj do të ndrijë partinë e re, siç ndriti Komisionin Hetimor për zgjedhjet dhe Reformën Zgjedhore

23 Qershor 2024, 13:46, Editorial CNA

Alibeaj do të ndrijë partinë e re, siç ndriti Komisionin

Enkelejd Alibeaj

Alibeajn e ka zënë halli dhe ka tri ditë që del e jep intervista më shumë sesa ka dhënë të tilla në gjithë vitet që beson se është lojtar politik.

Alibeaj është ish-student i Magjistraturës që nuk pranoi të shkonte të punonte gjyqtar atje ku e caktoi KLD-ja. Për këtë arsye humbi të drejtën e futjes në sistem në një vend tjetër.

Ca kohë u angazhua si avokat, jo me zyrë të vetën, por e punësoi një mik i kohës, i cili me kalimin e muajve kuptoi që ishte e vështirë që t'i jepte klientë Enkelejdit sepse diten e dytë që takoheshin me të, i kërkonin t'ua hiqte qafe dhe t'u jepte një avokat tjetër.

Tani ky Enkelejdi që nuk ka prodhuar asnjë proces gjyqësor ku është njohur si avokat, dikush i besoi që të përfaqësojë demokratët!

Ky Enkelejdi që sa herë hap gojën në ndonjë tryezë ku bëhet dialog, duket sikur i përgjigjet zërit që i flet në vesh, aq pa lidhje me bashkebiseduesit duket ligjërimi i tij.

Alibeaj e pranon: Juridikisht vula nuk mund të ankimohet në Gjykatën e Lartë
22 Qershor, 18:48

Ky Enkelejdi është ai tipi, që të vetmin gjyq që e mori përsipër vetë, atë të vulës, rezultoi se paskësh ngatërruar adresën e Gjykatës për ankesat e veta dhe në vend që të depozitonte kërkesë-padi në Gjykatën e Shkallës së Parë, kishte trokitur me ankimim në Gjykatën e Apelit.

Ky Enkelejdi që nuk di se cila është Gjykata kompetente për një ankesë kaq të thjeshtë, do të marrë përsipër të mbledhë elektorat dhe t'i përfaqësojë kudo, jo vetëm në Gjykatë.

Ky është Enkelejdi që dështoi pa arritur të prodhojë as një fije letër në hetimin e famshëm të Komisionit Hetimor të zgjedhjeve.

Alibeaj të tregojë cilat janë vendimet e Bashës të diktuara nga Berisha
22 Qershor, 19:08

Është ky Enkelejdi që në Komisionin e Reformës Zgjedhore nuk u pa asnjëherë as të drejtonte, as të propozonte e as të prodhonte reformë.

I fryrë si gjel mes 2-3 kapadainjve të tjerë tani po na shet si shpëtim partiçkën që nuk dihet se kush do ta financojë sa kohë që karizma e Enkelejdit nuk financon dot as një bisedë dreke e jo më turma votuesish.

Lexoni sa mediokritet buron nga fjalitë e këtij tipit flegmatik që kujton se boll të hapësh gojën dhe ta quajnë që ke folur.

"Nuk është e thjeshtë dhe duhet përgjegjshmëri maksimale për të artikuluar këto ide. Pyetja e parë është a e kërkon sot, momenti politik, një lëvizje, një organizim, një formacion, a e ka publiku nevojën për të ndryshuar?

Besoj se është publike tashmë, ka një sërë të dhënash që tregojnë se publiku shqiptar kërkon një orë e më parë ndryshimin. Sondazhet e tregojnë, mbështetja e madhe e pa kushte për SPAK-un e tregon këtë punë.

Ndaj premisat janë, por duhet parë nëse është krijuar në këto 3 vite betejë, ndonjë grup që po ngjall shpresë? Unë besoj se po. Shqiptarët duan të mbështesin një formacion ndryshe politik.

Ajo që doja t’ju thoja është kjo, sot, ajo pjesë ku unë kam qenë, bëj pjesë, ka bërë betejën e saj, është farkëtuar si ideologji, ka program, ka artikulim publik, ka argument, besoj se janë premisat për të krijuar një formacion të ri të natyrës politike. Kjo është energji e madhe e mbledhur në opozitë”, -tha Alibeaj./ CNA