web counter
LEXO PA REKLAMA!

SHKARKO APP

App Store
Google Play

Dje Fatmir Xhafaj u soll si koka e skemës “5D”

16 Korrik 2024, 10:21, Editorial CNA
Dje Fatmir Xhafaj u soll si koka e skemës “5D”
Fatmir Xhafaj, burimi i fotos: LSA

Po sikur të gjithë të jemi ngatërruar?

Zelli me të cilin dje Fatmir Xhafaj sulmoi hapur SPAK-un dhe punën e SPAK-ut duhet analizuar me kujdes. Fatmir Xhafaj nuk është kamikaz nga natyra. Është kalkulues i kujdesshëm. Fatmir Xhafaj nuk bën asnjëherë asgjë që i rrezikon karrigen, përkundrazi bën gjithçka që ta sigurojë atë.

Por dje Fatmir Xhafaj u detyrua që pas muajsh që media ka denoncuar nismën që synon për vendosjen e kontrollit mbi SPAK-un, të dalë hapur dhe të sulmojë SPAK-un.

Për të mos u dukur sikur e ka vetëm me SPAK-un, bëri edhe gjasme kritika për institucione të tjera të drejtësisë.

Por duhet te jemi të qartë! Fatmir Xhafaj e ka hallin vetëm me SPAK-un!

Fatmir Xhafaj nuk është ai idealisti që çahet e ndahet për hallet e popullit që nuk po gjen zgjidhje në dyert e gjykatave. Fatmir Xhafaj është njeriu që ka marrë rolin e babait të Reformës në Drejtësi atëherë kur besonte se të jesh baba do të thotë që të kesh dashnore “mamanë” e institucioneve të reja.

Fatmir Xhafaj nuk është mirënjohës nga natyra!

Ndaj sjelljet e tij nuk mund të lexohen si shpërthime në mbrojtje të Lali Erit dhe bandës së Bashkisë Tiranë.

Fatmir Xhafaj është bërë deputet nga votat e grabitura kandidateve të tjerë, në lista për Bashkinë Tiranë kur Lali Eri ishte “stari” i Tiranës.

Dje Fatmir Xhafaj u soll si koka e skemës “5D”
Fatmir Xhafaj dhe Erion Veliaj, foto e marrë nga rrjetet sociale të kryebashkiakut

Por dhëndri i Fatmir Xhafajt ka qenë koleg i bandës së Bashkisë Tiranë në rolin e drejtorit të Urbanistikës. Njëjtë si ish-drejtorët kolegë në skemën “5D”. Sulmi i djeshëm ndaj SPAK-ut certifikoi Fatmir Xhafajn si kokën e bandës “5D”, i certifikuar si i tillë nga gjykata.

Ndaj nuk është rastësi edhe gëzimi i portalit në menaxhim nga banda “5D” dhe thirrjet drejtuar SPAK-ut të tipit: “Tani ua tregon qejfin Fatmiri juve!”/ CNA

 





16:11 Editorial Elvi FUNDO

Vula nuk mjafton!

Gjykata e Apelit më në fund vendosi drejtësi. I dha vu...

Lajmet e fundit nga