web counter
LEXO PA REKLAMA!

SHKARKO APP

App Store
Google Play

Ambasada e SHBA “masakron” Fatmir Xhafajn për komisionin

21 Qershor 2024, 19:01, Aktualitet CNA
Ambasada e SHBA “masakron” Fatmir Xhafajn për komisionin
Ambasada e SHBA-së në Tiranë

Ambasada e SHBA-së në Tiranë ka “masakruar” Fatmir Xhafajn për komisionin e posaçëm, që do të thërrasë në apel institucionet e shtetit.

Ambasada amerikane ka shpërndarë një mesazh të zyrtarit të DASH, Richard Nephew, ku Xhafaj dhe qeveria kritikohen ashpër për komisionin.

Në deklaratën e dhënë për Zërin e Amerikës theksohet se çfarëdo lloj mekanizmi reforme që paraqitet duhet të jetë gjithëpërfshirës dhe të marrë parasysh aktorët e ndryshëm që ekzistojnë në vend.

Gjithashtu, nënvizohet se reformat shtesë duhet të vazhdojnë të ruajnë pavarësinë e gjyqësorit dhe të sigurojnë që prokurorët të punojnë në mënyrë sa më të pavarur.

“Shtetet e Bashkuara do të vazhdojnë ta mbështesin Shqipërinë në përpjekjet e saj për të përmirësuar dhe punuar me veprimtaritë gjyqësore që ekzistojnë dhe për të siguruar që ato organe që ekzistojnë tashmë të jenë sa më të efektshme. Pikëpamja jonë është se çfarëdo lloj mekanizmi reforme, çfarëdo lloj legjislacioni që paraqitet ka nevojë të jetë gjithëpërfshirës dhe ka nevojë të marrë parasysh aktorët e ndryshëm që ekzistojnë në vend, sidomos organizatat e shoqërisë civile dhe të tjerë. Mendoj edhe që duam të sigurojmë që çfarëdo reformash shtesë që bëhen, të vazhdojnë të ruajnë pavarësinë e gjyqësorit dhe të sigurojnë që prokurorët të vazhdojnë të çojnë çështjet përpara, që të mund ta kryejnë punën e tyre në mënyrë sa më të pavarur dhe të bazohen në fakte. Mendoj se teksa shohim drejt reformave dhe teksa shohim drejt asaj lloj pune që po bëhet për të përmirësuar sistemet këtu, shumë do të vendoset nga sa gjithëpërfshirëse janë, sa sjellin të gjithë aktorët e ndryshëm dhe se nuk do të humbim përparimin e mirë që është bërë tashmë, për ta bërë sektorin e drejtësisë sa më të pavarur dhe sa më të efektshëm që të mundet”, thuhet në deklaratën e Richard Nephew, të shpërndarë nga ambasada e SHBA-së./ CNA





Lajmet e fundit nga