web counter
LEXO PA REKLAMA!

SHKARKO APP

App Store
Google Play

FOTO/ Mbyllet protesta para Bashkisë së Tiranës, qytetarët: Do ta shporrim Veliajn

21 Qershor 2024, 12:27, Aktualitet CNA
FOTO/ Mbyllet protesta para Bashkisë së Tiranës, qytetarët:
Protesta para Bashkisë së Tiranës, burimi: LSA

Sot para Bashkisë së Tiranës u zhvillua protesta e 13-të, ku ishin të pranishëm qytetarë, përfaqësues të opozitës, artistë dhe pjestarë të Shoqërisë Civile. 

Protesta zgjati vetëm 1 orë dhe nuk u shoqërua me përplasje mes protestuesve dhe policisë. Në një moment protestuesit shkaktuan vetëm zjarr para godinës. 

Edhe në protestën e sotme, qytetarët u shfaqën të zemëruar dhe quajtën hajdut dhe grabitqar Veliajn dhe u zotuan se do ta largojnë nga Bashkisë e Tiranës e nuk do të dorëzohen asnjëherë. 

Në protestë mbajti fjalën edhe drejtuesi politik i PD-së për Tiranën, Belind Këlliçi, i cili tha se kanë në duar edhe dokumente të tjera për Erion Veliajn që e implikojnë në aferat korruptive. 

Këlliçi theksoi se këtë herë Veliajt i ka ngelur "sharra në gozhdë" dhe se në asnjë moment nuk do të dorëzohet Partia Demokratike, derisa ai të shporret nga Bashkia e Tiranës. 

Ish-deputeti e quajti Veliajn një mbeturinë njerëzore dhe tha që do marrë përgjigjen e merituar nga qytetarët. 

Protesta e radhës pritet të zhvillohet të premten e ardhshme, në datë 28 qershor.

Këto protesta kanë ardhur si pasojë e aferave korruptive që kanë ndodhur në Bashkinë e Tiranës, afera me inceneratorët dhe dosjen "5D". 

Për këto çështje është thirrur në SPAK edhe kryebashkiaku Erion Veliaj./CNA 





Lajmet e fundit nga